Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Անձնային աճ

Ներշնչանք

Հեղինակ՝ Աշոտ Նանայան

Երկու ընկեր հաստատվում են հյուրանոցի համարներից մեկում: Ընկերներից մեկը տառապում էր հիվանդությամբ. նա հաճախ շնչահեղձ էր լինում: Կեսգիշերին հանկարծ հիվանդ ընկերն իր ընկերոջը հասկացնում է, որ իր մոտ սկսվել է հերթական նոպան և պետք է բացվեն պատուհանները: Մթության մեջ չկողմնորոշվելով` ընկերն արագ ջարդուփշուր է անում ապակին: Հիվանդը խորը շունչ է քաշում, զգում է օդի սառնությունը: Շնորհակալություն է հայտնում և… Առավոտյան պարզվում է, որ կոտրվել է ոչ թե պատուհանի, այլ հայելու ապակին: Իսկ փրկությունը միայն ներշնչանքի աղբյուր էր: Այն հրաշքներ է գործում: Հավատացեք, ներշնչեք և կյանքին նայեք լավատեսի աչքերով:

Հեղինակի մասին

Աշոտ Նանայան

10 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»