Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության գաղտնիքներ

Շատ` չի նշանակում լավ

Գիտե՞ք ինչ ժամանակներում ենք մենք հիմա ապրում: Երբ ոչ թե պետք է մտածենք` որքան, այլ` ինչպես: Ժամանակներ, որտեղ որոշում է ոչ թե շատը, այլ արագությունը, ճկունությունը, կողմնորոշվելու ունակությունը: Շատ խոսելը չի նշանակում ինչ-որ բան ասել, շատ կրթվելը չի նշանակում կրթված մարդ լինել, շատ աշխատելը չի նշանակում լավ ապրել, շատ գրելը չի նշանակում լավ գրող լինել, շատ ներդնելը չի նշանակում լավ ներդրող լինել, շատ գովազդելը չի նշանակում լավ գովազդել, շատ ունենալը չի նշանակում ինչ-որ բան ունենալ:

Վերցնենք առօրյա կյանքն ու երկու միջին մարդկանց: Առաջինը շատ է աշխատում, առավոտից իրիկուն, նրա համար կարևոր չէ, թե ինչ է նա անում, կարևորն այն է, թե որքան է նա անում: Որքան շատ, այնքան լավ: Երկրորդը չի ձգտում շատի: Նա տեսնում է, որ առաջինը շատ է անում, բայց արդյունք չկա և նա հասկանում է, որ լուծումը շատի մեջ չէ: Նա սկսում է մտածել` ԻՆՉՊԵՍ: Ինչպես անել, որ շատ չանել: Ինչպես անել, որ քիչն ավելի մեծ արդյունքներ տա, քան շատը: Ինչպես անել, որ քիչն ավելի շատ լինի, քան շատը: Եվ նա գտնում է եղանակ: Նա սկսում է ավելի քիչ անել, բայց ավելի շատ արդյունքներ է ստանում: Դա նման է այն առակին, երբ երկու մարդ պետք է մոտակա սարից իրենց տուն ջուր բերեն, մեկն ամեն օր դույլերով ջուր է կրում, իսկ մյուսը պարզապես մինչև իրենց տուն առու է կառուցում: Հիշեք` այսօր կարևոր են մոտեցումները, մտածելակերպը, արագությունը, ճկունությունը, մի կենտրոնացեք շատի վրա:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

9 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»