Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հեղինակային առակներ

Գործարարն ու վարորդը

Գործարարը դուրս եկավ օդանավակայանից: Դրսում նրան սպասում էր վարորդը: Ողջունեց վարորդին, փոխանցեց նրան ճամպրուկը, նստեց լիմուզինն ու խնդրեց քշել տուն: Երկու շաբաթ էր, ինչ տանը չէր եղել, գործուղման էր. մեծ գործարք էր հաջողվել կնքել: Օդանավակայանից տուն ճանապարհը երկար էր. մոտ 1 ժամ ճանապարհին էին լինելու: Գործարարը պատուհանից նայում էր դուրս` փողոցում քայլող մարդկանց, նորակառույց շենքերին, հետո մարդիկ ու շենքերը դառնում էին դաշտեր, դաշտերը պարտեզներ, հետո կրկին շենքեր, կրկին մարդիկ, կրկին եռուզեռ:

— Գիտե՞ս ինչպես եմ ես այս ամենին հասել, — շշնջաց գործարարը, — մենք երբեք չենք խոսել այս թեմայով:
Վարորդը հայելու միջով նայեց ետ, տարուբերեց գլուխը` փորձելով հասկացնել, որ ոչինչ չի հասկանում:

— Այս ամենը ես տեսնում էի այն ժամանակ, երբ դեռ ոչինչ չունեի, — շարունակեց գործարարը: — Այն ժամանակ ես հասարակ վարորդ էի, քեզ պես: Չէ չէ… քեզ պես չէ, դու դեռ լիմուզին ես քշում, իսկ ես սովորական մի տաքսիստ էի (ժպտում է):
— Այսինքն, Դուք դեռ այն ժամանակ գիտեի՞ք, որ հայտնի գործարար եք դառնալու, — զարմացավ վարորդը:
— Ես համոզված էի, — պատասխանեց գործարարը, — ես տեսնում էի այս օրը դեռ տաս տարի առաջ:

Վարորդը մի ակնթարթ փակեց աչքերը, պատկերացրեց իրեն տաս տարի անց, բացեց աչքերն ու շարունակեց քշել: Նրա աչքերը փայլում էին…

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

7 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»