Արդյո՞ք լինում են կյանքում հրաշքներ - Հաջողության բլոգ
 
 

Գրքեր անձնային աճի մասին

Այս գրքերը հարուստ դառնալու մասին չեն, այլ ներդաշնակ և գիտակից կյանք ունենալու: Դրանցում ներկայացված է ճանապարհ՝ շարունակական աճի և ինքնակատարելագործման: Գրքերի հեղինակն այդ ճանապարհը սկսեց 2009 թ, և փուլ առ փուլ ներկայացնում է փոփոխությունները, որոնք տեղի են ունենում իր կյանքում և որոնք կարող են տեղի ունենալ Ձեր կյանքում, իր գրքերում: Ներկայացված են մի շարք պրակտիկ խորհուրդներ, պատմություններ, առակներ, փիլիսոփայություն:


   


Մտորումներ

Արդյո՞ք լինում են կյանքում հրաշքներ

Հեղինակ՝ Demetra

Մեզանից յուրաքանչյուրն ինչ-որ տարիքում ունեցել է երազանքներ և միշտ ցանկացել, որ դրանք ի կատար ածվեն: Բայց տարիքի հետ մեկտեղ մենք դադարում ենք երազել և ունենում ենք ուղղակի նպատակներ, որոնց ձգտում ենք հասնել: Իսկ ի՞նչ է երազանքը: Երազանքը մեզանից շատերն ընկալում են որպես անիրականալի մի երևույթ, որը կարող է տեղի ունենալ մեզ հետ:
Իսկ ի՞նչ է հրաշքը: Հրաշքներին սկսում ենք չհավատալ արդեն պատանեկության տարիներից սկսած: Հրաշքներն այն ամենն է, ինչ տեղի է ունենում մեր շուրջը, որը մեր պատկերացումներից դուրս է:

Իսկ արդյո՞ք գոյություն ունի հրաշք երևույթը, ե՞րբ է այն տեղի ունենում, ինչպե՞ս: Այո՛, հրաշքներ լինում են: Դրանք տեղի են ունենում, երբ մենք հավատում ենք դրանց: Ապացուցված է, որ մարդու նույնիսկ չարտասանած խոսքը չի կորչում, այլ մնում է տիեզերքում և որոշ ժամանակ անց իրական դառնում մեկ ուրիշի միջոցով: Եթե մենք ունենք երազանք, ապա վաղ թե ուշ այն կատարվելու է, միայն պետք է հավատալ և անընդհատ հիշել դրա մասին:

Հրաշքները տեղի են ունենում անկախ մեր ցանկությունից: Դրանք այնքան անսպասելի են ու հաճելի, որ մի ակնթարթում կարող են երջանկացնել մարդուն և դեռ երկար ժամանակ մնալ նրա հիշողության մեջ: Մենք բոլորս սովոր ենք ասել, որ հրաշքներ չկան: Դա մեր կողմից թույլ տրված ամենամեծ սխալն է, քանի որ հրաշքներ չեն լինի, եթե մենք չհավատանք և չսպասենք դրանց: Եկեք մանկան պես հավատանք հրաշքների և մեր երազանքների իրականացմանը և կտեսնենք, թե ինչքան հրաշալի պահեր կլինեն մեր կյանքում, հենց այսօրվանից սկսած:

Հեղինակի մասին

Demetra

Անկեղծ եմ, հումորով ու հավատարիմ

15 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»