Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հաջողության գաղտնիքներ

Եթե հուսահատված եք…

«Լինում են օրեր, երբ ես չեմ ուզում վեր կենալ անկողնուց», «լինում են օրեր, երբ ուզում եմ հանձնվել», «լինում են օրեր, երբ ուզում եմ թողնել ամեն ինչ», «լինում են օրեր, երբ հուսահատությունն այնքան մեծ է, որ այլևս ելք չի երևում»: Կարծո՞ւմ եք սրանք իմ խոսքերն են: Ոչ, մոտիվացիայի առումով ինձ մոտ ամեն ինչ լավ է: Այս խոսքերը ես վերցրել եմ տարբեր հաջողակ մարդկանց աուդիոգրքերից. մարդիկ, ովքեր մեր աչքերում անհաղթելի են և որոնց մոտ միշտ ամեն ինչ լավ է: Եվ եթե այդ մարդկանց մոտ են լինում նման օրեր, եթե նույնիսկ նրանք են երբեմն հուսահատվում, ապա ինչո՞ւ դա պետք է չլինի մեզ մոտ:

Ընդհանրապես, միջին վիճակագրական մարդուն թվում է, որ այն իրավիճակները, հիասթափություններն ու խնդիրները, որոնք իր մոտ լինում են, ուրիշ ոչ մեկի մոտ չեն լինում: Եվ դա լիովին բացատրելի է: Ամեն մարդ տեսնում է աշխարհն իր տեսանկյունից, ամեն մարդու աշխարհի կենտրոնում ինքն է կամ ինչպես Դեյլ Քարնեգին է նշում՝ ամեն մարդու համար իր ատամի ցավն ավելի կարևոր է, քան սովը հեռավոր Չինաստանում, որը խլում է միլիոնավոր մարդկանց կյանքեր: Հուսահատության պահեր ինձ մոտ էլ են շատ եղել տարիներ առաջ և դրանք ոչ թե օրեր էին, այլ ամիսներ: Բայց այդ ժամանակները վաղուց արդեն անցել են, ամեն ինչ փոխվել է: Փոխվել է ոչ թե շրջապատը, փոխվել են ոչ թե մարդիկ, փոխվել են ոչ թե հանգամանքները, այլ փոխվել եմ ես և արդյունքում՝ մնացած ամեն ինչը:

Հիասթափության հետ կապված 3 բան հիշեք:շ.

1. Դա ժամանակավոր է,
2. Ոչ ոք չի կարող փոխել դա, եթե ոչ դուք,
3. Նման պահերին ինչ-որ բանով զբաղեցրեք ձեզ: Մի թողեք, որ ձեր ուղեղը ժամանակ ունենա վատ բաների մասին մտածելու և ճնշվելու:

Եվ վերջում, հուսահատության պահերին կարդացեք Հաջողության բլոգ 🙂

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

7 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»