Անձնային աճ

Փառքի սրահը

Հեղինակ Lusin

Այսօր պետական քննության էի: Ընկերներիցս մեկը քաջալերելու նպատակով առավոտյան մի երգ ուղարկեց, որն իր հաջողության գրավականն է դարձել: Այնպիսի՜ ուժ ու ոգի միանգամից ստացա: Հավատացեք, երևի երգի ազդեցությունն ավելին էր, քան այս օրերին սովորածս 🙂 Ես ինձ հենց այդպես ԿԱՐՈՂ էլ զգում էի ամբիոնի մոտ` կարծես փառքի սրահում:
Փորձեցի ներկայացնել բառերի համառոտ թարգմանությունը: Խնդրեմ.


Այո, դու կարող ես լինել Մեծ,
Դու կարող ես լինել լավագույնը,
Դու կարող ես լինել Քինգ-Քոնգ` ծեծելով սեփական կուրծքը:

Դու կարող ես հաղթել աշխարհին,
Դու կարող ես հաղթել պատերազմում,
Դու կարող ես խոսալ Աստծո հետ, գնա թակելու Նրա դուռը:

Դու կարող ես տարածել ձեռքերդ,
Դու կարող ես հաշվել ժամանակը,
Դու ունակ ես տեղաշարժել լեռները,
Դու ունակ ես փշրելու ժայռերը:

Դու կարող ես դառնալ վարպետ,
Մի սպասիր հաջողությանը,
Ունեցիր նպատակ և դու՛ այն կգտնես:

Դու փառքի սրահում ես,
Աշխարհը կիմանա քո անունը,
Չէ որ դու այրվում ես ամենապայծառ կրակով:
Աշխարհը կիմանա քո անունը,
Եվ քո դիմանկարը կլինի փառքի սրահում:

Դու կարող ես անել գործը մինչև վերջ,
Դու կարող ես հաղթահարել մեծ հեռավորություններ,
Դու կարող ես գնալ դժոխք` ժպիտը դեմքիդ:

Դու կարող ես դառնալ հերոս,
Դու կարող ես պարգևատրվել ոսկով`
Հաղթելով բոլոր ռեկորդները` անգամ անհնարները:

Արա այս ամենը հանուն քո մտերիմների,
Արա` հանուն քո ներքին հպարտության,
Արդյունքն ակնառու չի լինի, եթե չփորձես:

Արա այս ամենը հանուն քո երկրի,
Արա` հանուն քո անվան,
Որովհետև կգա օրը…

Երբ դու կլինես փառքի սրահում,
Եվ աշխարհը կիմանա քո անունը,
Չէ որ դու այրվում ես ամենապայծառ կրակով:
Աշխարհը կիմանա քո անունը,
Եվ քո դիմանկարը կլինի փառքի սրահում:

Եղիր հաղթող, եղիր հաղթող, եղիր հաղթող:

Փառքի սրահի պատերին քո դիմանկարը:

Եղիր ուսանող,
Եղիր ուսուցիչ,
Եղիր քաղաքական գործիչ,
Եղիր քահանա,

Եղիր հավատարիմ,
Եղիր առաջնորդ,
Եղիր հաղթող,
Եղիր իրական փնտրող:

Դու փառքի սրահում:

Դու կարող ես խոսալ Աստծո հետ` գնա և բախիր Նրա դուռը:

Դու՛, փառքի սրահում…

Ահա և այդ երգը

Հեղինակի մասին

Lusin

Լավագույն վերելքներն առջեւում են:

5 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»