Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Մոտիվացիոն գրքեր. պե՞տք է արդյոք կարդալ

Եթե մի քանի բառով բնութագրեմ, թե ինչ է մոտիվացիոն գիրքը, կարճ կասեմ` «եթե ես կարող եմ, ուրեմն դու էլ կարող ես»: Աշխարհում կան բազմաթիվ հեղինակներ, որոնք գրում են մոտիվացիոն գրքեր: Այդ գրքերը մարդկանց մոտ երկակի կարծիքներ են առաջացնում: Ոմանց կարծիքով նման գրքերը պղպջակ են, այսինքն դրանց հիմքում ոչինչ չկա, իսկ մյուսների կարծիքով` նման գրքերը կարող են մարդու կյանքը փոխել: Միանգամից ասեմ, որ ես պատկանում եմ մարդկանց երկրորդ խմբին, ովքեր սիրում են մոտիվացիոն գրքերը: Այն, որ նման գրքերը կարող են մարդու վրա մեծ ազդեցություն ունենալ, միայն խոսքեր չեն, որոնք ինչ-որ տեղ լսել եմ: Նման մարդկանց ես իրոք ճանաչում եմ, ինքս էլ նրանցից մեկն եմ: Իսկ այն մարդկանց, ովքեր թերահավատորեն են մոտենում նման գրքերին, կուզենայի մեկ պարզաբանում տալ:

Մոտիվացիոն գրքերը ոգևորում են մարդուն, դրանք թմրանյութի պես մի բան են, բայց ֆիզիկական, երկարատև ազդեցություն դրանք չեն կարող ունենալ: Այս կարծիքն իրոք կա շատ մարդկանց շրջանակում: Սակայն եկեք հասկանանք, թե ինչպես են ազդում նման գրքերը: Մարդը կարդում է գիրքը և տեսնում է, որ ինչ-որ մեկը հասել է հաջողությունների: Գրքում հեղինակը ոգևորված պատմում է, թե ինչպես է նա դա արել: Եվ կարդալիս` ինչ-որ պահի, մարդն ինքն է իրեն դնում գլխավոր հերոսի դերում: Ու փաստորեն, գիրքն ընթերցելիս, մարդը հասնում է «երևակայական» հաջողությունների: Նա զգում է այդ «համը»: Բայց հետո նա սկսում է մտածել. «իսկ ինչո՞ւ երևակայական, ինչո՞ւ ես այդպես չեմ կարող»: Եվ նա սկսում է հավատալ, որ ինքն էլ կարող է: Բարձրանում է մարդու մոտիվացիան, ինքնագնահատականը, վստահությունը: Եվ նման հոգեվիճակում մարդը պատրաստ է կոնկրետ գործողությունների դիմել, քայլեր ձեռնարկել, քանի որ գիրքը սկսել է ազդել նրա մտածելակերպի վրա: Իսկ գործողություններն արդեն ֆիզիկական են: Այսինքն, մոտիվացիոն գրքերը ոչ թե ֆիզիկական քայլերի հաջորդականություն են, այլ դրանք դրդում են նման քայլերի:

Սակայն այդ ազդեցությունը մեկի մոտ լինում է մեկ գիրք կարդալիս, մյուսի մոտ` տաս: Կախված է նրանից, թե որքան բաց է մարդը գրքի ինֆորմացիան ընդունելու համար: Եթե դուք հենց սկզբից տրամադրում եք ձեզ, որ այդ գիրքը «փուչիկ է», նման մտածելակերպը «փուչիկ է», ապա մեկ գիրքը դժվար թե ձեզ մոտ ինչ-որ բան փոխի: Ձեր ներկայիս մտածելակերպն այնքան խորը արմատներ ունի, որ մեկ գիրքը ձեզ ոչինչ չի տա: Սակայն այն կարող է ինչ-որ բան տեղաշարժել: Հաջորդ գիրքը ևս մի փոքր, ապա նաև մյուսը, մյուսը, … Եվ մի օր դուք կսկսեք մտածել. «Ինչպես էի ես նախկինում այլ կերպ ապրում, ինչպես սա մտքովս չէր անցնում»: Եվ եթե սկսեք այդպես մտածել, ուրեմն այդ փոփոխությունն արդեն տեղի է ունեցել, դուք ձեռք եք բերել նոր մտածելակերպ:

Սա ընդամենը իմ կարծիքն էր, իմ փորձը, իսկ ձեր կարծիքով` ազդո՞ւմ են արդյոք մոտիվացիոն գրքերը մարդու կյանքի վրա` դեպի լավը:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

28 մեկնաբանություն

  • Հրաչ ջան ինձ շատ է հետաքրքրում, թե որ մոտիվացիոն գրքերն են առավել մեծ ազդեցություն ունեցել ձեզ վրա: Եթե կարելի է նշեք մի քանիսը:

    • Գագիկ ջան ահա մի քանիսը`
      Ричард брэнсон — К черту все берись и делай, Наполеон хилл — Думай и богатей, Роберт кийосаки — богатый папа бедный папа, Бодо шефер — money или азбука денег

      • Մերսի Հրաչ ջան:
        Արդեն գիտեմ մոտակա օրերին ինչ են կարդալու:
        P.S. Իսկ Նապոլեոն Հիլլի գրքի հայերեն տարբերակը տեսել ես? Կարդացի մի քանի էջ ու հիասթափվեցի: Վատ էր թարգմանած: Ռուսերենը գոնե նորմալ ա?

  • Հրաչ ջան, ես վերջապես դիտեցի Secret ֆիլմը… Դա էլ մոտիվացիոն գրքի նման է… Տեսողական հիշողությունս ու պատրաստակամությունս ընդունելու շատ մեծ էր… հիմա մնում է գործել… հավատում եմ, որ իմ մոտ կստացվի… 🙂

      • Հոյակապ…հիմա ես ազատ եմ, ինքս եմ ինձ կերտելու ու այն ամենն ինչ կա իմ շրջապատում… հիմա ես հրաշագործ եմ… Դրանից ել լավ բան? բոլորն են երազում դրա մասին 🙂

        • Գոհար, ամենակարևորը այն է, որ այդ զգացողությունից երբեք չազատվես: )) Շատերը նայում են այդ հրաշալի ֆիլմը, բայց մի քանի օր անց կորցնում են էներգիան, որ ստացել էին այդ ֆիլմից ու նորից անցնում իրենց ”հին” կյանքի: Ու բնականաբար ոչինչ չի ստացվում: )

  • chapic aveli barduytavorvats mardkanc ha talis e, :)).
    pordzum en havatal vor irenq el inch vor bani @ndunak en kam arjani , isk yete mard inqn iren havatum e , yev inqnavstah e, aveli havanakan e vor inch vor ban ir mot kstacvi, bayc @ndhanur armamad the puchik e:))))))) yes xxjum em ayd mardkanc vor jarahatyal dimum en nman ejanagin qrqeri [email protected]:)

    • Լուսինե ջան փաստորեն ինձ էլ եք խղճում 🙂 Բայց ինչի, ճիշտն ասած լավ չհասկացա: Նման գրքեր կարդում են նույնիսկ հայտնի գործարարներն ու շատ հաջողակ մարդիկ, որոնց իրենք իրենց հավատալու մասին խոսք չի կարող լինել: Բացի մոտիվացիայից, այդտեղ կա այլ մարդկանց փորձը և պարզապես հետաքրքիր է 🙂

  • the nax hakaqrestoneakan e, yete [email protected] karogh e kertel ir uxin , uremn astvats goyutyn chuni, mard karogh e yerazanq unenal , havatal , inchpes astavatsashnchum e asvum yete mananexi hatiki chap havat unenaq, yev ayln..qaroz chgrem 🙂 bayc mard petq e havata yev gortsi , nuyn ayd motivacion grqerov karoghe [email protected] bujvel?([email protected] harbuxi masin che) , iharke voch yev shat u shat ayl baner parzapes anhnar e.

    • Լուսինե ջան, լավ, ամեն դեպքում շնորհակալություն, պետք է երբեմն հակադարձ կարծիքներ լսել, որ ինչ-որ բաների շուրջ մտածել: Ցանկացած մարդ իր տեսանկյունն ունի ու դրանով ենք մենք ազատ: Կարևորը թող բոլոր մարդիկ լավ լինեն, դուք նույնպես միշտ լավ եղեք, եթե ձեր ընտրած ուղին իրեն արդարացնում է և դուք ձեզ լավ եք զգում, ապա կարևորը դա է, մեզ վրա ուշադրություն մի էլ դարձրեք 🙂

    • karox enq, amen inch el karox enq, cankutyun e uxxaki petq… ete ayspes mtacenq, mek e Astvac mez hamar grel e, ekeq nstenq [email protected] ev spasenq, anpayman kgan mez kxndren, vor mi ban anenq. Ayd jamanak el kasenq, "ey, heracir, im jakatagirn Astvac e grel, ov es du vor indz ases inch anem"… Inqs havatum em Astcun, amen lav ban anelis xndrum em nranic hajoxutyun, hajoxutyan hasnelis shnorhakal em linum… Bayc gitakcum em, vor shat ban e indznic kaxvac… nayev tesa vor mardkanc eq vorakum, barduytavorvac eq anvanum, havataceq, vor cankacac andz el karox e Dzez vorakel, mi qich bari exeq, [email protected] Dzez chi xangari

  • 21 [email protected] depresiayi dar e, u amenur nkatvum e mardkanc tramadrutyunneri hajaxaki ankum , yev vorosh hogebanner u hajoghak gortsararner grum en irenc porszi masin , iharke inchpes en irenq hajoghutyan hasel , bayc the aveli shat komercia e, nman grakanutyan mijocov mardik @[email protected] gumar en ashxatum, yev aysor aynqan shat e nman [email protected] vor duq inqnerd el cheq patkeracnum, amen mi kisagraget mard nuynisk karogh e, mi 50 ej grel yev vajarel, yev [email protected] mardik havatum en ,:)

  • Ես նույնիսկ կարծում եմ, որ նման գրքերը պետք է ավելացվեն դպրոցների կրթական ծրագրերում` որպես պարտադիր առարկա: Պետք է այդ ամենը հենց փոքր տարիքից սերմանել սերնդի մեջ:

    • Ալբերտ ջան լրիվ համաձայն եմ, հիմա դպրոցներում ու բուհերում ֆինանսական կրթության նախագիծ է քննարկվում, հուսով եմ լավ կլինի 🙂

  • Բարև Հաջողության բլոգ, ես ցանկանում եմ իմանալ մի քանի մոտիվացիոն գրքերի անուններ: Նախապես շնորհակալություն

    • Բարև Ձեզ Նաիրա ջան, խնդրեմ.

      «Սկսի՛ր և արա՛», Ռիչարդ Բրենսոն
      «Հարուստ հայրիկ, աղքատ հայրիկ», Ռոբերտ Կիյոսակի
      «Ձեր առաջխաղացման 37 գաղտնիքները», Ռենդի Գեյդջ

      Այս և մի շարք այլ գրքեր կան մեր կայքի Գրքեր բաժնում:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»