Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Բիզնես և ֆինանսներ

Ուզո՞ւմ ես գործարար դառնալ: Սովորիր բաժանել պարտականությունները

Կան մի շարք բարդություններ, որոնց սովորաբար հանդիպում են սկսնակ գործարարները: Դրանցից մեկն այն է, որ նրանք փորձում են ամեն ինչ անել ինքնուրույն: Այսինքն, եթե բիզնեսը դու ես սկսել, ուրեմն դրա մեջ ես ամենասկզբից, հասկանում ես դրա բոլոր մանրուքները, քեզ վրա զգացել ես բոլոր խնդիրներն ու առավելությունները, հետևաբար կարծում ես, որ ոչ ոք չի կարող գլուխ հանել դրանից քեզանից լավ: Բայց երբ փորձում ես ամեն ինչ անել ինքնուրույն, գալիս է մի պահ, երբ հասկանում ես, որ ուժերդ արդեն սպառվում են, իսկ ժամանակդ էլ` չի հերիքում: Կարծում եմ` հենց այդ փուլում են սկսում «հղկվել» սկսնակ գործարարները, երբ զգում են անհրաժեշտությունը ներգրավել այլ մարդկանց և բաշխել պարտականությունները:

«Ամեն ինչ ինքնուրույն անելու» սովորությունից ազատվելը շատ կարևոր է: Դրա համար պետք է հասկանալ մեկ բան` դուք ամենախելոքը չեք և ամենից լավը ձեզ մոտ չի ստացվում: Հաստատ կգտնվեն մարդիկ, ովքեր կարող են անել դա ավելի լավ: Եվ ձեր` որպես բիզնեսի ղեկավարի պարտականությունն է գտնել նման մարդկանց, ներգրավել նրանց և վստահել աշխատանքի բոլոր այն մասերը, որոնք դուք կարող եք չանել: Սկսնակ գործարարների հիմնական վախը կայանում է նրանում, որ ուրիշները կարող են սխալվել: Իհարկե, սխալներ սկզբում միգուցե լինեն, ինչպես և եղել են ձեզ մոտ ամենասկզբում, բայց այդ սխալները ժամանակի ընթացքում կվերանան, մարդիկ կսովորեն իրենց պարտականությունները, կհմտանան մեկ ուղղությամբ` ի տարբերություն ձեզ, ով միաժամանակ մի շարք բաների մասին է մտածում: Հիշեք` պարտականությունները հնարավորինս բաշխելն ազատ ժամանակ է ստեղծում, իսկ ազատ ժամանակից թանկ բան գործարարի համար չկա: Այդ ժամանակը նա կարող է օգտագործել նոր գաղափարներ գեներացնելու, եղածը զարգացնելու, վերջիվերջո` ընտանիքի հետ անցկացնելու համար:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

1 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»