Եթե կարդացել եք իմ նախորդ գրքերը, ապա այս մեկն ընթերցելիս ժամանակավորապես մոռացեք դրանք: Սա մոտիվացիոն գիրք չէ: Ընթերցելիս զգացմունքները փոփոխական կլինեն: Ներկայացված որոշ մտքերի հետ դուք անմիջապես չեք համաձայնվի, որոշ մտքերի հետ չեք համաձայնվի ընդհանրապես: Սակայն գրքի նպատակը իմ ներկայացրած մտքերն ընդունելը և դրանք ձերը դարձնելը չէ: Նպատակն այլ է. փորձենք մտածել ինքնուրույն՝ կտրվելով համամարդկային ընդհանուր մտածողությունից: Փորձենք ընդլայնել մեր գիտակցության սահմանները: Հուսով եմ՝ գիրքն օգտակար կլինի և կտեղափոխի ձեր մտածողությունը նոր հարթություն: Ընթերցեք և վերլուծեք ինքնուրույն: Այն ձեզ ոչինչ չի պարտադրում, ընդամենը հնարավորություն է տալիս ճանապարհորդել դեպի մեկ այլ իրականություն:


   


Բիզնես և ֆինանսներ

Ճանապարհ դեպի միլիոններ. բիզնեսի զարգացում

Հեղինակ՝ Davit

Ցանկացած նոր հիմնադրված բիզնես արդեն իսկ ամենակարևոր քայլն է հաջողակ լինելու համար: Սակայն, եթե դուք բիզնես եք սկսել, դա դեռ չի նշանակում, որ դուք կհամալրեք միլիոնատերերի շարքերը, քանի որ որոշ բիզնեսներ կենսունակ են միայն իրենց փոքր լինելու պատճառով: Բացի այդ, բիզնեսի սկզբնական փուլում դժվարությունները հաղթահարելուց հետո սկսվում է եկամտաբերության շրջանը և գործարարի համար ստեղծվում է «հարմարավետ վիճակ»: Հենց այս շրջանն է շատերին հետ պահում բիզնեսի հետագա զարգացումից, քանի որ գործարարը ստանում է իր աշխատանքի առաջին պտուղները՝ կայուն եկամուտ, որոշումների անկախություն և ժամանակի ազատ տնօրինում: Բայց սկզբնական կայուն եկամուտը իր հետ բերում է բիզնեսի հետագա զարգացմանը խոչընդոտող որոշ գործոններ: Սովորաբար դա դրսևորվում է այսպես. գործարարը սկսում է հազվադեպ ռիսկի դիմել, ավելի շատ գումար ծախսել, քիչ ժամանակ հատկացնել ինքնազարգացմանը և նվազեցնում է զգոնությունը սեփական բիզնեսի հանդեպ:

Սկսնակ գործարարը նման է առաջին քննությունը հանձնող ուսանողի. որոշ ուսանողներ քննությունը հաջողությամբ հանձնում են բարձր գնահատականի համար, իսկ մյուսներն ավելի շատ ձգտում են դառնալ լավ մասնագետ և կենտրոնանում են այդ մտքի վրա: Ինչպես ցանկացած մասնագիտության դեպքում, այնպես էլ բիզնեսում, կարևոր է լինել լավ մասնագետ, այլ ոչ թե բիզնես սկսել միայն գումար աշխատելու համար:

Բիզնեսում առաջին հաջողությունից հետո շատ կարևոր է դրա պահպանումը և առաջխաղացումը: Իսկ դա անելու համար անհրաժեշտ է հետևել հետևյալ քայլերին.

1. Մի շտապեք բիզնեսից ստացված եկամուտները ծախսել անձնական կարիքների համար (շքեղ մեքենա, թանկարժեք բնակարան կամ ճանապարհորդություններ):

2. Մի համեմատեք ձեր եկամուտը նախկինում ստացած եկամտի հետ: Դրանով դուք կդադարեք ռիսկի դիմել և կավելացնեք ծախսերը:

3. Բիզնեսը դարձրեք բազմաճյուղ. սկսեք հետաքրքրվել բիզնեսի այլ ոլորտներով:

4. Դարձեք բիզնեսի միանձնյա լիդերը: Եթե սկզբնական շրջանում բիզնեսի ղեկավարմանը մասնակցում են այլ մարդիկ, օրինակ ընտանիքի անդամները, ապա բիզնեսի զարգացման փուլում պետք է վերջնական որոշում ընդունողը դուք լինեք:

5. Կուտակեք ձեր սեփական և կայուն կապիտալը: Դրանով կնվազի բանկերից կախվածությունը և կբարձրանա եկամտաբերությունը:

6. Փնտրեք ավելի ազդեցիկ գործընկերներ:

7. Սահմանեք խիստ կանոններ ենթակաների շրջանում: Սահմանափակեք նրանց հետ նախկինում ունեցած մտերմությունը (փոքր բիզնեսի պարագայում աշխատակիցների ընտրության հնարավորությունը քիչ է, այդ պատճառով հաճախ ձեռներեցը մտերմանում է իր աշխատակիցների հետ):

8. Ընդլայնեք ծանոթությունները բիզնես ոլորտից դուրս: Ամենակարճ ճանապարհը հասարակական գործունեությունն է: Զբաղվեք բարեգործությամբ, մասնակցեք ձեր միջավայրում կարևոր որոշումների ընդունմանը:

9. Սկսեք աշխատել մեծ գումարների հետ` առանց վախենալու դրանց մեծությունից:

10. Եվ ամենակարևորը` ինքնակատարելագործվեք, նվիրվեք բիզնեսին` բաց չթողնելով ոչ մի մանրուք:

Բիզնեսը միայն գումար աշխատել չէ: Դա մտածելակերպ է կամ հոգեվիճակ, որին տիրապետում են միայն համառներն ու խելացիները:

Հեղինակի մասին

Davit

7 մեկնաբանություն

  • Շատ հետաքրքիր և միանգամայն ճիշտ հոդված էր: Իրոք որ ես էլ իմ շրջապատում տեսնում եմ շատ մարդկանց ովքր կարող են զարգացնել իրենց բիզնեսը մտնել այլ ոլորտներ բայց նրանք բավարարվում են իրենց կայունությամբ և հրաժարվում են շարունակել աճը: Կարծում եմ հիմնական պատճառը վախն է նոր փոփոխությունների նկատմամբ: Առավել ցավալի է այն որ հայ իրականության մեջ ձևավորվել է բիզնեսմենների մասին սխալ կարծիք: Շատերի կարծիքով բիզնեսմենները դրանք “ափռ-ցփռ” փող ծախսող, հաստավիզ և անուղեղ մարդիկ են: Հիշեցի միլլիարդատեր Միշել Դոմիտի խոսքերը “ես համոզված եմ որ ցանկացած հաջողության և բիզնեսի ետևում թաքնված է հսկայական ինտուիցիա և ուղեղ”:
    Շնորհակալություն հետաքրքիր հոդվածի համար:

    • Մերսի Կարեն ջան, մեր սերնդի գործարարների զգալի մասը այսպես կսկսի մտածել .ես հավատում եմ որ կգա այդ օրը

Մեկնաբանել

«Ոչ ստանդարտ» գիրք

Մեր օրերում մարդիկ իրենց ժամանակի մեծ մասը տրամադրում են աշխատանքին և գումար վաստակելուն: Ժամանակի մյուս մասը, երբ նրանք չեն աշխատում, աշխատանքով են զբաղված նրանց մտքերը: Ես միշտ դեմ եմ եղել առավոտից մինչ ուշ երեկո աշխատելուն՝ լավ արդյունքներ ունենալու համար: Դրա փոխարեն պետք է ստեղծել արդյունավետ համակարգեր, որոնց շարժիչ գործոնը ժամանակը չէ: Ժամանակի ավելացած մասը կարելի է օգտագործել մտածելու, վերլուծելու նպատակով: Ժամանակի որոշակի հատված անպայման պետք է տրամադրել մտածելուն:

 
error: Կյանքն ավելի հրաշալի է, երբ ստեղծում ես սեփական «բովանդակությունը»