Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության գաղտնիքներ

Մտածիր և հարստացիր

Այս հոդվածում ուզում եմ ներկայացնել մի հրաշալի աուդիոգիրք` Նապոլեոն Հիլլի «Մտածիր և հարստացիր» գրքի աուդիո-տարբերակը: Այս գիրքն այնպիսի մեծ ազդեցություն է ունեցել իմ մտածելակերպի փոփոխության վաղ շրջանում, որ դրա մասին արդեն գրել եմ տարբեր հոդվածներում, նշել եմ նաև «Փոխիր կյանքդ» գրքում, սակայն չեմ զլանա և ևս մեկ անգամ կտեղադրեմ աուդիոգիրքն այստեղ: Կարծում եմ, որ սա այն գրքերից է, որոնք պետք է նշել «ՊԱՐՏԱԴԻՐ Է ԿԱՐԴԱԼ» պիտակով` բոլոր այն մարդկանց համար, ովքեր ուզում են հասնել այնպիսի հաջողությունների, որոնց հասել են գրքի հերոսները: Չնայած աուդիո-տարբերակը բավական երկար է` մոտ 10 ժամ, բայց թող դա պատճառ չհանդիսանա, որպեսզի այն կիսատ թողնեք: Հիշեք այն 10-ական ժամերը, որոնք ձեզ ոչինչ չեն տվել: Այս 10 ժամը կարող է ձեզ շատ բան տալ: Միգուցե լսեք այն մաս-մաս, մի քանի օրվա ընթացքում, բայց անպայման լսեք:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

8 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»