Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Հարուստ հայրիկ, աղքատ հայրիկ

Ռոբերտ Կիյոսակիի և Շերոն Լեկտերի համատեղ «Հարուստ հայրիկ, աղքատ հայրիկ» գիրքն այն գրքերից է, որոնք կարող են միանգամից ազդել մարդու մտածելակերպի վրա: Սովորաբար այն մարդկանց մոտ, որոնց ես հանդիպել եմ և որոնք կարդացել են այս գիրքը, մտածելակերպի փոփոխությունը միշտ էլ դրական է եղել, և նրանք, կարծում եմ, երջանիկ են, որ իրենց մոտ այդ փոփոխությունը եղել է: Ընդհանրապես, կան գիտակցության տարբեր մակարդակներ: Երբ մենք ապրում ենք գիտակցության մի մակարդակում և տեսնում ենք աշխարհն ու երևույթները այդ մակարդակում մեր աչքերով, մենք չենք էլ պատկերացնում, որ կան հաջորդ մակարդակներ, որտեղ մենք մեզ ավելի ազատ, համարձակ և գործունյա ենք զգալու: «Հարուստ հայրիկ, աղքատ հայրիկ» գիրքը, այնպես ինչպես Նապոլեոն Հիլլի «Մտածիր և հարստացիր» գիրքը, այն գրքերից է, որոնք կարող են «տեղափոխել» ձեզ հաջորդ մակարդակ: Եվ դա չի վերաբերվում միայն բիզնեսին, ֆինանսներին կամ մարդու գործնական կյանքին: Փոխվում է ընդհանուր մտածելակերպը: Այնպես որ, եթե ուզում եք փորձել, ձեզ եմ ներկայացնում Կիյոսակիի տեսանյութերից մեկը:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

8 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»