Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Բիզնես և ֆինանսներ

Ինչպես պետք է շփվել հաճախորդների հետ. 3-ամյա աղջիկը փոխում է բրենդի անվանումը

2011թ-ի մայիսին, այն բանից հետո, երբ 3-ամյա Լիլի Ռոբինսոնը նամակ է գրում բրիտանական սուպերմարկետների խոշորագույն ցանցերից մեկին` Sainsbury’s-ին, թե ինչու է իրենց «վագր հացն» այդպես անվանվել, եթե այն ավելի շատ ընձուղտ է հիշեցնում, Sainsbury’s-ն արձագանքում է աղջկա նամակին` փոխելով հացի անվանումը: Այս պատմությունը երկար ժամանակ կմնա մարդկանց հիշողության մեջ որպես լավագույն օրինակներից մեկը, թե ինչպես պետք է շփվել հաճախորդների հետ:

Եկեք սկսենք ամենասկզբից: 3-ամյա աղջիկը ուղարկում է նամակ սուպերմարկետների ցանցին: Քրիս Քինգը, այդ ժամանակվա Sainsbury’s-ի հաճախորդների հետ կապի մենեջերը, պատասխանում է Լիլիի նամակին` համաձայնելով նրա մտքի հետ և ուղարկելով նրան նվեր քարտ, որով նա կարող էր գնել «վագր հաց»-ի որոշակի քանակություն խանութից: Իր նամակում Քրիսը գրում է. «Կարծում եմ, որ հացի անվանումը փոխելը հիանալի գաղափար է, քանի որ այն ավելի շատ ընձուղտի նախշեր է հիշեցնում, քան վագրի շերտեր, այնպես չէ՞»:

Լիլիի նամակը

Լիլիի մայրը ավելացնում է երկու նամակներն իր բլոգում և շուտով այս պատմությունը հայտնվում է նաև այլ բլոգներում և սոցիալական ցանցերում: Գլխավոր բումը լինում է 2012թ-ի հունվարին` պատմության սկզբից 7 ամիս անց, երբ պատմությունը սկսվում է արագ տարածվել Facebook-ում: Լիլիի մայրը` աղջկան աջակցելու համար, Facebook-ում բացում է էջ, որին միանում են մոտ 1 000 մարդ` կոչ անելով Sainsbury’s-ին` փոխել հացի անվանումը: Դեռ մեկ շաբաթ չանցած սուպերմարկետների ցանցը հանդես է գալիս հայտարարությամբ. ի պատասխան հաճախորդների բազմաթիվ խնդրանքներին նրանք վերանվանում են հացը «ընձուղտ հաց»:

Սուպերմարկետի պատասխանը

Հ.Գ.
Այս պատմությունը հաճախորդների հետ շփման լավագույն օրինակներից է: Սկսենք նախ նրանից, որ սուպերմարկետի մենեջերը, ստանալով նամակը, կարող էր ուղղակի ժպտալ և մի կողմ դնել այն: Նա կարող էր ընդհանրապես նամակը չկարդալ: Բայց այդպես «հոգատար» նամակին պատասխանելը` նրա կողմից ճիշտ քայլ էր: Հավանաբար նա հասկանում էր, որ հաճախորդը հաճախորդ է, և կապ չունի` դա 3-ամյա աղջիկ է, թե ավելի հասուն տարիքի մարդ: Նաև` փոխել տասնամյակների պատմություն ունեցող բրենդի անվանումը` ի պատասխան հաճախորդների խնդրանքին, դա ևս ուշադրության արժանի քայլ է, որն ավելի ուշ գնահատվեց հաճախորդների հետ կապի ոլորտում առաջատար մասնագետների կողմից:

Հիշեք` մարդիկ ուզում են զգալ իրենց միջամտությունը իրենց սիրած բրենդների «կյանքում», և եթե բրենդը տալիս է նրանց այդ հնարավորությունը, դա աշխատում է միայն նրա օգտին:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

9 մեկնաբանություն

  • Հոդվածը շատ հավանեցի 🙂 Շնորհակալ եմ Հրաչ ջան 🙂
    Շնորհավոր բոլորիս ԳԱՐՆԱՆ ԱՌԱՋԻՆ ՕՐԸ … Ուզում եմ, որ այս գարնան հետ նորացվեն բոլորիս սրտերը, սովորենք սիրել և գնահատել այն ամենն ինչ ունենք: Թող կամքը, եռանդն ու հավատքը սեփական ուժերի հանդեպ մեզ ուղեկցեն ամենուր 🙂
    Իսկ Հաջողության բլոգին ցանկանում եմ, որ միշտ լինի թարմ, ունենա մեծ քանակով, բայց որակյալ Հեղինակներ, որոնք մեզ կուրախացնեն իրենց հոդվածներով և կներշնչեն հասնել նոր բարձունքների

  • Երեխեք ջան ես ել եմ շնորհավորում բոլորիտ գարնան առաջին օրը:Թող ես Գարունը բոլորիս համար նվաճումներով լի լինի

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»