Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Բիզնես և ֆինանսներ

Հեռատեսություն. գործարարի ոսկե հատկանիշ

Հեղինակ՝ Davit

Այն, ինչ անպիտան է այսօր, վաղը միգուցե միլիոններ արժենա: Այս պարզ նախադասության հզորությունը գիտակցել են բազմաթիվ հաջողակ մարդիկ ամբողջ աշխարհում: Բոլորիս հայտնի է, որ ռեսուրսները երկրագնդի վրա սահմանափակ են և մարդիկ, ովքեր տիրապետում են դրանց, համարվում են հարուստ և ազդեցիկ: Բիզնես միջավայրը նման է ներկայացման, որտեղ արդեն բաժանված են բոլոր դերերը և ցանկացած նորեկի համար ստեղծվում են խոչընդոտներ, որովհետև չկա այնպիսի մարդ աշխարհում, ով հեշտությամբ կզիջի իր տեղը մյուսներին: Դրան գումարենք նաև ռեսուրսների սահմանափակությունը, ինչն էլ ավելի է դժվարացնում բիզնեսի իրականացումը: Իսկ ովքե՞ր են կարողանում հաղթահարել այս բոլոր խոչընդոտները և մտնել այս փակ միջավայր: Իհարկե` հեռատեսները:

Ինչպես ցանկացած միջավայրում, այնպես էլ բիզնեսում, գոյություն ունեն խաղի որոշակի կանոններ, որոնք, սակայն, միշտ փոփոխվում են, իսկ գործարարի հեռատեսությունը կայանում է նրանում, որպեսզի բոլորից շուտ նկատի դրանք: Սակայն հեռատեսությունը գործարարին չի տրվում հենց այնպես: Այդ հատկանիշը ձեռք է բերվում բազմամյա փորձից և ինտուիցիայից ելնելով: Բացի այդ, բոլոր ձեռնարկատերերը ունեն վերլուծելու հիանալի կարողություն: Եթե սովորական մարդիկ գնահատում են երևույթները, ապա գործարարները փորձում են գտնել պատճառները: Նրանք շատ լավ հասկանում են, թե ինչի կհանգեցնի իրադարձությունների զարգացումը: Այս ամենի հետ միասին նրանք հսկայական ջանքեր են գործադրում իրենց գաղափարների իրականացման համար, քանի որ հեռատեսները շատ հաճախ ներդրումներ են կատարում այնպիսի ոլորտներում, որոնք եկամտաբեր չեն և հսկայական միջոցներ են պահանջում: Կան հեռատեսության բազմաթիվ հաջող օրինակներ մեր օրերում, հատկապես նոր տեխնոլոգիաների ոլորտում, սակայն ես կցանկանայի ներկայացնել մեր հայկական հեռատեսության ամենավառ օրինակներից մեկը:

Դա մեզ բոլորիս հայտնի «Աշտարակ Կաթ» ընկերությունն է: Ընկերությունը իր գործունեությունը սկսեց Աղցք գյուղում գտնվող փոքրիկ գործարանում` հիմնելով պանրի արտադրություն, իսկ հետագայում սեփականաշնորհեց Զեյթունի հսկայական կաթի գործարանը: Այն ներկայումս առաջատար է կաթնամթերքի արտադրության ոլորտում և ունի արտահանումների զգալի ծավալ: Ընկերության հեռատեսությունը կայանում էր նրանում, որ այդ տարիներին ոչ ոք ուշադրություն չէր դարձնում սննդամթերքի բիզնեսին, հատկապես կաթնամթերքի ոլորտին, քանի որ շատ էին գյուղացիական տնտեսությունները և տնային տնտեսություններում արտադրվող կաթնամթերքը շատ ավելի մատչելի էր և բավարարում էր առկա պահանջարկը: Սակայն հիմնադիրները շատ լավ հաշվարկել էին, որ կապիտալիզմի զարգացման ժամանակաշրջանում կվերանան մասնավոր փոքրիկ արտադրությունները և կստեղծվի պահանջարկ որակի և սննդի անվտանգության նկատմամբ, իսկ այդ ամենը կարող էին անել միայն նրանք, ովքեր շուտ էին սկսել տվյալ պահին ամենաեկամտաբեր համարվող բիզնեսը:

Հեղինակի մասին

Davit

5 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»