Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Ստարտափ

Առաջ դեպի նոր ստարտափներ. Techstars

Techstars բիզնես աքսելերատորը ստեղծվել է 2007թ-ին և այն լավագույններից է աշխարհում: Իր բնույթով այն նման է Y Combinator-ին` կրկին սկզբնական ոչ մեծ գումար (մինչև 18 000 դոլար) ընկերության 6%-ի դիմաց, 3 ամիս տևողությամբ հավաքներ, հանդիպումներ մասնագետների և ներդրողների հետ, և այլն: Ի տարբերություն Y Combinator-ի` Techstars-ի ծրագրերն անցկացվում են տարեկան մի քանի անգամ ԱՄՆ մի շարք քաղաքներում և Լոնդոնում: Անցկացման ժամկետները տարբեր են (օրինակ, մենք դիմել ենք Չիկագոյի ծրագրի համար, որի սկիզբը մայիսի 29-ին է): Ստարտափները, որոնք դուրս են գալիս Techstars-ից, ստանում են միջինում 1,4 միլիոն դոլար ֆինանսավորում ներդրողների կողմից: Սակայն Techstars-ում հայտնվելն այդքան էլ հեշտ չէ: Դիմողների 1%-ից քիչ մասն է միայն անցնում Techstars և դրանք իրոք լավագույններից լավագույններն են:

Techstars-ի ծրագրերին մասնակցելու դիմումն ուղարկելուց հետո դուք ավտոմատ գրանցվում եք նաև f6s.com կայքում: f6s.com-ը ստարտափների գլոբալ համայնք է, որտեղ դուք կարող եք ծանոթանալ և մասնակցության հայտ ուղարկել ամբողջ աշխարհում տեղի ունեցող հարյուրավոր նմանատիպ ծրագրերին: Դուք կարող եք տեսնել ծրագրերն ըստ աշխարհամասի, ընտրել դրանք ըստ տիպերի, կարող եք նաև ավելացնել Ձեր ծրագիրը, եթե Դուք բիզնես-ինկուբատոր կամ բիզնես-աքսելերատոր եք: Նաև, Techstars-ի դիմումը լրացնելիս Ձեզ հարց է տրվում` կցանկանաք արդյո՞ք, որ Ձեր դիմումը տարածվի նաև Աքսելերատորների Գլոբալ Ցանցում (Global Accelerator Network): Պարզվեց, որ կա նմանատիպ ցանց (gan.co), որի հիմնադիրները Techstars-ի հիմնադիրներ Բրեդ Ֆելդն ու Դեյվիդ Քոհենն են, և այն ընդգրկում է մոտ 50 բիզնես աքսելերատորներ աշխարհի տարբեր ծայրերից: Փաստորեն, եթե դիմելիս ընտրում եք նաև այդ կետը, մեծանում է հավանականությունը, որ Ձեր դիմումը կտեսնեն ավելի շատ պրոֆեսիոնալ մասնագետներ և ներդրողներ` մարդիկ, որոնք Ձեզ պետք են:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»