Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Ստարտափ

Սոցիալական ցանց բիզնեսի համար. Yammer.com

2008թ-ի սեպտեմբերին TechCrunch50 ստարտափների մրցույթի ժամանակ երկու երիտասարդ գործարարներ՝ Դեյվիդ Սաքսը և Ադամ Պիզոնին, ներկայացնում են իրենց նոր նախագիծը՝ սոցիալական ցանց բիզնեսի համար՝ yammer.com: Առաջ անցնելով ասեմ, որ նախագիծը հաղթում է մրցանակաբաշխությունում, իսկ չորս տարի անց՝ 2012թ-ին, Microsoft-ը ձեռք է բերում այն 1,2 միլիարդ դոլարով: Զարմանալի է.. Որքան նավթի, գազի ու ոսկու հանքեր ժամանակին պետք է մարդիկ գտնեին, որպեսզի 3-4 տարում նման արդյունքների հասնեին 🙂 Yammer-ի շուկա մտնելուց հետո հայտնվում են նմանատիպ այլ սոցիալական ցանցեր (օրինակ chatter.com-ը), սակայն ոչ ոքի առայժմ չի հաջողվել կրկնել yammer-ի հաջողությունը:

Եթե պարզ ասենք, yammer-ը facebook է բիզնեսի համար: Գրանցվելով կայքում՝ ընկերությունները բացում են իրենց պրոֆայլները, որոնք տեսանելի են միայն սահմանափակ թվով մարդկանց համար, ավելացնում են իրենց աշխատողներին, որոնք կարող են հարցեր տալ, քննարկումներ անել, հարցումներ անցկացնել, փաստաթղթեր կցել և այլն: Այսինքն, այն ամենը, ինչով սովորաբար զբաղվում են մարդիկ ընկերությունում: Առավելությունը կայանում է նրանում, որ Yammer-ի միջոցով ընկերության ամբողջ անձնակազմը «հավաքվում է» մեկ վայրում: Սա կարևոր է հատկապես այն ընկերությունների համար, որոնք ունեն ներկայացուցչություններ տարբեր երկրներում կամ քաղաքներում: 2010թ-ի հոկտեմբերի տվյալներով yammer.com-ում գրանցված էին մոտ 90 000 ընկերություններ՝ այդ թվում Fortune 500 ցանկի ընկերությունների 80%-ը, իսկ գրանցված անդամների թիվն անցնում էր 1 միլիոնը: 2012թ-ին այդ թիվն անցնում էր արդեն 4 միլիոնը:

Yammer-ի հիմնադիրներն անփորձ տղաներ չէին, ինչպես նմանատիպ շատ դեպքերում: Դեյվիդ Սաքսը 1994թ-ին ավարտել էր Սթենֆորդի համալսարանը, 1998թ-ին ստացել էր դոկտորի կոչում Չիկագոյի համալսարանում, մի քանի տարի աշխատել էր որպես մենեջմենթի մասնագետ McKinsey-ում, ապա աշխատել էր Paypal-ում՝ որպես բաժիններից մեկի տնօրեն, այնուհետև 2006թ-ին հիմնել էր geni.com սոցիալական ցանցը, որում 2011թ-ին գրանցված էր մոտ 100 միլիոն պրոֆայլ: Իսկ Ադամ Պիզոնին 1995-1997թ-ին աշխատել էր Shopzilla ընկերությունում՝ որպես վեբ-մշակման բաժնի տնօրեն, 1995թ-ին հիմնադրել էր Cnation ընկերությունը և աշխատել որպես դրա տեխնիկական տնօրեն մինչև 2002թ-ը, ապա սկսել էր աշխատել նաև Geni սոցիալական ցանցում՝ որպես ավագ ինժեներ-ծրագրավորող: Հավանաբար այստեղ էլ նրանք ծանոթացել էին և ծնվել էր Yammer-ի գաղափարը 🙂

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

1 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»