Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Բիզնես և ֆինանսներ

Խոսում են երիտասարդ գործարարները

Անդրեյ Մալախովի հայտնի «Пусть говорят» հաղորդումը, կարծում եմ, շատերիդ է ծանոթ: Այս անգամ նրա հյուրերն են երիտասարդ գործարարները. մարդիկ, ովքեր ստեղծել են իրենց հսկայական բիզնեսները մինչև 25 տարեկան հասակում: Անհավատալի է, չէ՞: Ինձ համար վաղուց արդեն չէ, քանի որ, եթե նկատել եք, բիզնեսն այժմ ողջ աշխարհում «երիտասարդանում է»: Հաղորդման հյուրերը խոսում են այն մասին, թե ինչպես են իրենք սկսել, ինչն է իրենց մոտիվացրել, ինչպես է իրենց մոտ գաղափարը եկել, նաև՝ խորհուրդներ են տալիս սկսնակներին: Հաղորդումը շատ ինֆորմատիվ է և հնարավորություն է տալիս մի փոքր ծանոթանալ Ռուսաստանում բիզնես միջավայրին: Այդ պատճառով, եթե ունեք կամ գտնեք այդ 50 րոպեն, անպայման դիտեք այն:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»