Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Ստարտափ

Ստարտափ: Հիմնադրի սեղանի գիրք

Երեկ սկսեցի կարդալ Սթիվ Բլանկի և Բոբ Դորֆի համանուն գիրքը («Стартап. Настольная книга основателя»): Գիրքը գրվել է 2012թ-ի մարտին, հրատարակվել ռուսերեն 2013թ-ին և մոտ 10 օր առաջ հայտնվեց վաճառքում (առայժմ միայն Ռուսաստանում: Այն կարող եք գնել այստեղ): Քանի որ գրքի հեղինակները ամենաազդեցիկ մարդկանցից են Սիլիկոնային հովտում և ընդհանրապես՝ ստարտափների աշխարհում, ապա համոզված եմ, որ «առաջին ձեռքից» ստացած ինֆորմացիան ու գիտելիքները չեն կարող օգտակար չլինել մարդկանց, ովքեր նոր են ուզում ստարտափ սկսել: Գրքի արժեքը կայանում է նրանում, որ ինչպես հեղինակն է նշում՝ ստարտափ ստեղծելն ու մեծ, ավանդական ընկերություն ստեղծելը նույն բանը չեն: Դրանք տարբեր քայլեր են, տարբեր կանոններ: Ուստի պետք է իմանալ այդ կանոնները՝ տարածված սխալները թույլ չտալու նպատակով, ինչի համար էլ նախատեսված է այս գիրքը: Կարդալուն զուգընթաց ես պարբերաբար կներկայացնեմ հոդվածներ՝ գլխավոր մտքերն ու խորհուրդները, որոնք բերված են գրքում: Իսկ մինչ այդ դիտեք գրքի հեղինակներից մեկի՝ Սթիվ Բլանկի, 5 խորհուրդները ստարտափերներին:


Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

12 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»