Եթե կարդացել եք իմ նախորդ գրքերը, ապա այս մեկն ընթերցելիս ժամանակավորապես մոռացեք դրանք: Սա մոտիվացիոն գիրք չէ: Ընթերցելիս զգացմունքները փոփոխական կլինեն: Ներկայացված որոշ մտքերի հետ դուք անմիջապես չեք համաձայնվի, որոշ մտքերի հետ չեք համաձայնվի ընդհանրապես: Սակայն գրքի նպատակը իմ ներկայացրած մտքերն ընդունելը և դրանք ձերը դարձնելը չէ: Նպատակն այլ է. փորձենք մտածել ինքնուրույն՝ կտրվելով համամարդկային ընդհանուր մտածողությունից: Փորձենք ընդլայնել մեր գիտակցության սահմանները: Հուսով եմ՝ գիրքն օգտակար կլինի և կտեղափոխի ձեր մտածողությունը նոր հարթություն: Ընթերցեք և վերլուծեք ինքնուրույն: Այն ձեզ ոչինչ չի պարտադրում, ընդամենը հնարավորություն է տալիս ճանապարհորդել դեպի մեկ այլ իրականություն:


   


Բիզնես և ֆինանսներ

Մաքսիմ Յարեմկո. «Իմ գործը»

29-ամյա Մաքսիմ Յարեմկոն «Իմ գործը» օնլայն հաշվապահական համակարգի հիմնադիրն է Ռուսաստանում: Համակարգը հնարավորություն է տալիս գործարարներին վարել իրենց հաշվապահությունն օնլայն` առանց հաշվապահի. ուղարկել հաշվետվություններ, հաշվարկել հարկերը, աշխատավարձերը, և այլն: Ստեղծվելով 2009թ-ին՝ 2011թ-ին «Իմ գործն» արդեն ուներ մոտ 100 հազար հաճախորդներ, իսկ 2013թ-ին՝ այդ թիվը հասնում է 430 հազարի: 2010թ-ին ստարտափը հաղթում է Ռունեթի մրցանակաբաշխության «Տնտեսություն և բիզնես» անվանակարգում, նույն թվականին հաղթում է Google-ի և Forbes-ի կողմից անցկացված համատեղ մրցույթում՝ ճանաչվելով «Բիզնես-նախագիծ 2010»: 2012թ-ի մարտին ստարտափը ներգրավում է 4 միլիոն դոլար ներդրում Klever Internet Investments Limited հիմնադրամի կողմից: Այսօր «Իմ գործն» ունի գործընկերների մեծ ցանց Ռուսաստանի ողջ տարածքում՝ տրամադրելով ծրագրային ապահովում, անցկացնելով խորհրդատվություն գործընկերների շրջանակում և ստանալով միջնորդավճարներ նրանց վաճառքներից և ծառայություններից:

Մինչև «Իմ գործը» ընկերության ստեղծումը՝ Մաքսիմ Յարեմկոն հիմնել էր «Sawady» ընկերությունը, որը զբաղվում էր ծրագրային ապահովմամբ՝ կատարելով պատվերներ հաճախորդների համար (հետագայում հենց նույն ընկերության ծրագրավորողներն էլ կազմում են «Իմ գործը» ընկերության հիմքը): Սակայն ինչպես Յարեմկոն է նշում՝ պատվերով աշխատանքը թույլ է տալիս գալ ինչ-որ միջին մակարդակի, ստեղծել ընկերություն 20-25 աշխատողներով, բայց գլոբալ աճել դրանից հետո՝ շատ դժվար է: Ուստի նա սկսում է մտածել սեփական պրոդուկտը ստեղծելու մասին և ընտրությունը կանգ է առնում օնլայն հաշվապահության վրա: 2009թ-ին հայտնվում է պրոդուկտի բետա տարբերակը՝ հիմնված հիմնադրի պատկերացումների վրա, որն ավելի ուշ ամբողջությամբ փոխվում է՝ հաշվի առնելով մարդկանց արձագանքները: Պրոդուկտի առաջին տարբերակը ստեղծելու և ստարտափը ոտքի կանգնեցնելու համար ծախսվում է մոտ 1 տարի և 150 հազար դոլար անձնական միջոցներից: Սակայն ինչպես հետագա արդյունքները ցույց տվեցին՝ այդ ներդրումն իրեն ամբողջությամբ արդարացրեց և «Իմ գործը» դեռ շարունակում է ընդլայնվել:


Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ:

1 մեկնաբանություն

Մեկնաբանել

«Ոչ ստանդարտ» գիրք

Մեր օրերում մարդիկ իրենց ժամանակի մեծ մասը տրամադրում են աշխատանքին և գումար վաստակելուն: Ժամանակի մյուս մասը, երբ նրանք չեն աշխատում, աշխատանքով են զբաղված նրանց մտքերը: Ես միշտ դեմ եմ եղել առավոտից մինչ ուշ երեկո աշխատելուն՝ լավ արդյունքներ ունենալու համար: Դրա փոխարեն պետք է ստեղծել արդյունավետ համակարգեր, որոնց շարժիչ գործոնը ժամանակը չէ: Ժամանակի ավելացած մասը կարելի է օգտագործել մտածելու, վերլուծելու նպատակով: Ժամանակի որոշակի հատված անպայման պետք է տրամադրել մտածելուն:

 
error: Կյանքն ավելի հրաշալի է, երբ ստեղծում ես սեփական «բովանդակությունը»