Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության գաղտնիքներ

Ի՞նչ է համառությունը. Ռոկկի

«Ես ուզում եմ, որպեսզի ինձ հիշեն որպես մարդ, ով կարողանում է հաղթահարել հանգամանքները»: Ես չէի հասկանա Սիլվեստր Ստալոնեի այս արտահայտությունը, եթե 2 օր առաջ չլսեի Թոնի Ռոբինսի՝ նրա մասին պատմող պատմությունը: 10-րոպեների մեջ խտացված այդքա՜ն համառություն… Սիլվեստր Ստալոնեի բարձրունքներին հասնելը, պարզվում է, բավական ծանր է եղել: Սով, աղքատություն, մերժումներ. սրանք ընդամենը բառեր չեն, որոնց մասին լսել է դերասանը: Սակայն եղել է հստակ նպատակ, մեծ ձգտում, ուստի դժվարությունները հաղթահարվել են: Նույնիսկ դերասանի փոքր-ինչ «ծուռ» բերանն ու բոլորիս ծանոթ նրա «կոր» ժպիտն են ժամանակին նրա համար խոչընդոտներ եղել, սակայն այսօր դրանք նրան ինչ-որ «հմայք» են հաղորդում: Եթե համառության օրինակ եք ուզում, լսեք Սիլվեստր Ստալոնեի մասին պատմող 10 րոպեանոց պատմությունը: Իսկ ամեն ինչ սկսվեց մի կերպարից, որը բոլորս գիտենք՝ Ռոկկի:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»