Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Ստարտափ

Երբ է ժամանակը դադարել վերլուծելու և սկսել ստեղծելու

Իր «The Lean Startup» գրքում Էրիկ Ռիսը գրում է. «Երբ գործարարները մարքեթինգային հետազոտություններ են անում և շփվում են հաճախորդների հետ, միշտ երկու վտանգ կա: «Պարզապես արա՛ դա» մոտեցման կողմնակիցները չեն համբերում միանգամից ինչ-որ բան սկսելու և նրանք չեն ուզում ժամանակ ծախսել իրենց ռազմավարությունը վերլուծելու վրա: Նրանք անմիջապես սկսում են գործել՝ հաճախ սպառողների հետ մի քանի մակերեսային զրույցներից հետո: Ցավոք, հաճախորդներն իրականում չգիտեն, թե ինչ են իրենք ուզում: Դա է պատճառը, որ գործարարները հեշտությամբ տրվում են գայթակղությանը և սկսում են կարծել, որ իրենք ճիշտ ճանապարհի վրա են: Սակայն իրականում դա այդպես չէ:

Գործարարների մյուս տեսակը դառնում է «վերլուծական կաթվածի» զոհ: Նրանք անվերջ ու անդադար բարելավում, լրացնում են իրենց պլանը: Այս դեպքում հաճախորդների հետ շփվելը, հետազոտություններ անելն ու տեսական պլաններ մշակելը միանգամայն անօգուտ է: Անթերի պլան կազմելու խնդիրը շատ դեպքերում կայանում է ոչ թե նրանում, որ բաց են թողվում որոշ ռազմավարական քայլեր, այլ նրանում, որ փաստերը, որոնց վրա հիմնվում են այդ պլանները, հաճախ իրականությանը չեն համապատասխանում: Ցավոք դա հնարավոր չէ հայտնաբերել առանց սկսելու՝ տեսականորեն: Այդպիսի «շեղումները» բացահայտվում են միայն հաճախորդի և պրոդուկտի շփման արդյունքում:

Այսպիսով, չափից ավելի վերլուծությունը վտանգավոր է, բայց ոչ պակաս վտանգավոր է դրա բացակայությունը: Իսկ ե՞րբ է ժամանակը դադարել վերլուծելու և սկսել ստեղծելու:»

Իրականում սա շատ կարևոր հարց է: Մեր Հայաստանում նույնպես ես հանդիպել եմ երկու տեսակի մարդկանց էլ՝ «շատ վերլուծողներին» և «արագ սկսողներին»: Չնայած որ լավագույն տարբերակը մինչև սկսելը ինչ-որ վերլուծություններ անելն է ու փաստեր հավաքելը (բայց այդ ամենը շատ «չձգձգելը»), բայց եթե չդիտարկենք այդ լավագույն տարբերակը, ես միանգամայն կողմակից եմ արագ սկսելուն և ոչ թե անվերջ վերլուծելուն: Հավատացեք, այն ինչ տեսական է և այն ինչ ստացվում է իրականում, կարող են 180 աստիճանով իրարից տարբերվել: Երբ խոսքը գնում է սկսնակ գործարարների մասին, «այդ հոտառությունը» նրանք դեռ չունեն, որպեսզի հստակորեն հասկանան և պլանավորեն (գլխում կամ թղթի վրա), թե ինչ է իրենց սպասվում: Պետք է սկսել, շփվել իրականության հետ, շփվել իրական հաճախորդների և նրանց պահանջների հետ և միայն դրանից հետո կողմնորոշվել՝ ինչը թողնել, ինչն ավելացնել, որ ուղղությամբ շրջադարձ կատարել:

Այդ պատճառով էլ Էրիկ Ռիսն իր գրքում տալիս է «նվազագույն աշխատող պրոդուկտի» գաղափարը: Դա մի բան չէ, որը կատարյալ է: Հակառակը՝ պրոդուկտն ունի բազմաթիվ թերություններ, բազմաթիվ չլրացված անցքեր, բայց ընդհանուր առմամբ այն արտահայտում է վերջնական պրոդուկտի գաղափարը: Տվեք այդ «նվազագույն աշխատող պրոդուկտը» հաճախորդներին՝ իրական մարդկանց, թող նրանք որոշեն, թե ինչն է իրենց պակասում, ինչը դուր չի գալիս, իսկ դուք հետևեք և փաստեր հավաքեք: Եվ այդ դեպքում միայն դուք կարող եք պրոդուկտը բարելավել: Բարելավել, և ոչ թե կատարյալ դարձնել: Դա անվերջ գործընթաց է..

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

1 մեկնաբանություն

  • Հա այսինքն սկսնակ գործարարները սկսում են նոր պրոդուկտ ստեղծել,և երբ ստեղծում են ըստ իրենց "կատարյալ կամ վերջնական" պրոդուկտ,պետք է ներկայացնեն սպառողներին,այսինքն իրական մարդկանց,ովքեր պռոդուկտի "բաց ու թերի" կողմերը կլրացնեն,կարտահայտեն լավ ու վատ կողմերը,ինչը կուզենայն,որ տեսնեյն պռոդուկտի մեջ:Իսկ գործարարները պետք է հետևեն այդ ամենին,հետևություններ անելով:Որպիսզի և էլ ավելի կատարյալ դարձնեն,և "հոտառություն" և փորձ ձեռք բերեն:
    Լավն էր իրականում 🙂

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»