Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Անհաջողության չմատնվելու լավագույն տարբերակը

Գիտեք ո՞րն է անհաջողության չմատնվելու լավագույն տարբերակը: Հմմ… երբեք ոչինչ չփորձել: Այո՛, երբեք չփորձել ինչ-որ բան, որը ձեր հարմարավետության գոտուց դուրս է: Այդ ժամանակ սխալվելու և անհաջողության մատնվելու հավանականությունն էլ կմոտենա զրոյի և դուք կարող եք այդ մասին նույնիսկ չմտածել: Սակայն դա այն է, ինչ ձեզ պե՞տք է: Կարծում եմ՝ ոչ, քանի որ այժմ դուք այստեղ եք:

Սան Ֆրանցիսկոյում հիմնադրված Funders and Founders ստարտափը կազմել է մի ինֆոգրաֆիկ պատկեր, որում ցուցադրված է, թե քանի անգամ են իրենց ոլորտում հաջողության հասած մարդիկ փորձել՝ մինչև հաջողության հասնելը: Օրինակ, KFC-ի հիմնադիր Գնդապետ Սանդերսը, երբ փորձում էր վաճառել տապակած հավի իր նոր բաղադրատոմսը, մերժվել է 1009 անգամ: Կամ Pandora.com-ի հիմնադիրները 300 անգամ մերժում են ստացել ներդրողներից՝ մինչև այդքան սպասված «այո»-ն (այժմ Pandora-ն մի քանի միլիարդ դոլար արժողությամբ ընկերություն է): Իսկ դուք պատրա՞ստ եք նման համառության և համբերատարության: Պե՛տք է պատրաստ լինեք, եթե ցանկանում եք նմանատիպ արդյունքներ ունենալ: Դիտեք պատկերը 🙂

Սեղմեք վրան մեծ տեսնելու համար
Փորձել

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

5 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»