Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Մարդկանց հետ շփում

Մեկ րոպեանոց մենեջեր. արդյունավետ ղեկավարման սկզբունքները

Վերջերս, երբ «թափառում էի» բիզնես-ուղղվածությամբ կայքերով, դրանցից մեկում մի գրքի մասին նյութ հանդիպեցի: Գրված էր, որ գիրքը համարվում է բոլոր ժամանակների լավագույն բիզնես գրքերից մեկը, թարգմանված է 37 լեզուներով և վաճառվել է ավելի քան 13 միլիոն օրինակով: Անծանոթ էր և՛ հեղինակի անունը, և՛ գրքի. Քեն Բլանշար «Մեկ րոպեանոց մենեջեր»: Որոշեցի կարդալ: Եվ որքան հաճելի էր և միաժամանակ զարմանալի, երբ պարզվեց, որ գիրքն ընդամենը 25 էջ է: Կարդալը տևեց 2 ժամ..

Եթե ներկայացնեմ մեկ նախադասությամբ, գրքում պատմվում է արդյունավետ ղեկավարման 3 սկզբունքների՝ մեկ րոպեանոց նպատակների, մեկ րոպեանոց գովեստների և մեկ րոպեանոց դիտողությունների մասին: Ավելին չեմ պատմի 🙂 Գիրքը կարող եք ներբեռնել մեր կայքի Գրքեր բաժնում, իսկ ես կմեջբերեմ մի քանի մտքեր, որոնք առավել մոտս տպավորվեցին:

Մարդիկ, ովքեր իրենց լավ են զգում, լավ արդյունքների են հասնում:

Օգնեք մարդկանց օգտագործել իրենց ներուժը: «Բռնացրեք» նրանց այն բանի վրա, որ նրանք ինչ-որ բան ճիշտ են անում:

Քեզ վրա ծիծաղելու կարողությունը, երբ սխալ ես գործում, շատ արժեքավոր հատկանիշ է: Այն օգնում է մեզ շարունակել աշխատանքը՝ կարծես ոչինչ էլ չի եղել..

Իմ կողմից ծախսված լավագույն րոպեն՝ մարդկանց վրա ծախսված րոպեն է:

— Կազմակերպությունների մեծ մասում մենեջերները ծախսում են իրենց ժամանակի մեծ մասը՝ փորձելով «բռնացնել» մարդկանց ինչի՞ վրա, — հարցրեց նա երիտասարդին:
Երիտասարդը ժպտաց և վստահաբար ասաց .
— Նրա վրա, որ նրանք ինչ-որ բան սխալ են անում:
— Ճի՛շտ է, — ասաց Լիվայը, — իսկ մենք շեշտը դնում ենք դրականի վրա: Մենք մարդկանց «բռնացնում ենք» նրա վրա, որ նրանք ինչ-որ բան ճիշտ են անում:

Հ.Գ.
Հաճելի ընթերցանություն..

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

10 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»