Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հետաքրքիր է

Ժակ Ֆրեսկո. ապագայի նախագծում

Այսօր Ձեզ եմ ուզում ներկայացնել մի պատմություն, մի տեսանյութ, որը դիտելով, կարծում եմ, կհասկանաք, որ դրանում միանշանակ «ինչ-որ բան կա»: Սա հաջողության պատմություն չէ, սակայն հնարավորություն է տալիս ընդլայնել մտածելակերպի սահմանները: Այն մի մարդու մասին է, ով իր ողջ կյանքը նվիրել է գյուտարարությանը, տեխնոլոգիաներին և փորձում է դրանց միջոցով դարձնել շրջապատող աշխարհն ավելի լավը: Նա նախագծում է մի աշխարհ, որտեղ մարդն ավելի մոտ է բնությանը, հոգ է տանում դրա մասին, խելամտորեն օգտագործում է բնության ռեսուրսները: Նա կիսվում է իր տեսակետով, թե ինչպես պետք է վերացնել մարդկանց անհավասարությունը: Նրա տեսության հիմքում ոչ թե խնդիրները լուծելն է, այլ դրանց պատճառները վերացնելը: Անչափ հետաքրքիր տեսանյութ է, անպայման խորհուրդ եմ տալիս դիտել:

Հ.Գ.
Պետք չէ այս տեսանյութին վերաբերվել որպես կատարյալ մի լուծման, մի փորձեք վերլուծել այս կամ այն բանը. պարզապես դիտեք:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

1 մեկնաբանություն

  • Ես սրա հայերենն եմ տեսել,ու Ինձ համար ամենալավ դոկումենտալնի հայերեն թարգ. ֆիլմերից է.

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»