Անձնային աճ

Զարթուցիչ. ինչ-որ պահի մենք բոլորս կարիք ունենք «արթնանալու»

Երկար ժամանակ է, ինչ ես ուսումնասիրում եմ անձնային աճի և մարդու ներքին ուժերը բացահայտելու թեմաները: Մի քանի բան կա, որ ինձ կարող է անչափ ոգևորել: Դրանցից մեկը Սյուզան Բոյլի մասին պատմող տեսահոլովակն է, որն ամեն անգամ դիտելուց մարմնովս սարսուռ է անցնում: Հաջորդը Զարթուցիչն է. թրեյնինգ մեզ մոտ՝ Հայաստանում, որին կարող են մասնակցել բոլորը և որին ամեն անգամ մասնակցելուց թվում է, որ ես դեռ ոչինչ չգիտեմ: Էներգիան և գիտելիքների մեծ պաշարը, որ տալիս է Զարթուցիչը, անփոխարինելի են և այսօրվա հոդվածս կնվիրեմ դրան:

Ինչպես նշեցի հոդվածի վերնագրում, ինչ-որ պահի մենք բոլորս կարիք ունենք «արթնանալու»: Կայունությունից և առօրյա, միանման կյանքից մենք հաճախ «ննջում ենք» և այդպես ննջած կարող ենք անց կացնել տարիներ: Այդ վիճակում գտնվող «Ես»-ը մեր լավագույն «Ես»-ը չէ. մեր լավագույն, արդյունավետ «Ես»-ը դեռ ննջած է: Զարթուցիչը հնարավորություն է տալիս արթնացնել այդ «Ես»-ը: Այն սովորեցնում է, թե ինչպես լինել ավելի արդյունավետ, ինչպես ապրել ավելի գիտակից, ինչպես ղեկավարել ժամանակը, ինչպես կառուցել հարաբերությունները, ինչպես վերցնել կյանքի պատասխանատվությունը քեզ վրա և սա միայն մի մասն է այն ամենի, թե ինչ են սովորում մարդիկ Զարթուցիչի ժամանակ:

Զարթուցիչ Կան բաներ, որոնց մասին չես մտածում, քանի որ դրանք չեն մտնում քո ապրելակերպի մեջ, բայց երբ սկսում ես մտածել և կիրառել, կյանքդ սկսում է փոխվել: Զարթուցիչի թրեյնինգներից մեկի ժամանակ թեման նվիրված էր տոնուսին, այսինքն ինչպես անել, որ տոնուսդ միշտ բարձր լինի. միշտ լինես առույգ, բարձր տրամադրությամբ, էներգիայով լի՝ անկախ նրանից, թե որտեղ ես աշխատում, որքան ես աշխատում, աշխատանքից բացի ինչով ես զբաղվում և այլն, և այլն: Այդ օրվա թրեյնինգից վերցված խորհուրդները սկսեցի կիրառել անմիջապես ու անում եմ մինչ այսօր, ինչի համար շատ շնորհակալ եմ: Հասկանում եք ինչումն է բանը. դու ստանում ես այն գիտելիքները, որոնք չես ստանում դպրոցում, համալսարանում կամ այլ ընդունված կրթական կառույցներում, բայց հենց սրանք են այն գիտելիքները, որոնք սովորեցնում են ապրել:

Զարթուցիչ Դիտեք նաև Զարթուցիչ 2-ի մասին պատմող տեսանյութը և զգացեք մասնակիցների ոգևորությունը: Պետք չէ երկար մտածել, եթե փոփոխության և արդյունավետ ապրելու կարիք եք զգում, հասցրեք գրանցվել:

Հեղինակի մասին

Հրաչյա Մանուկյան

Հաջողության բլոգի հիմնադիր, անձնային աճի գծով 7 գրքերի հեղինակ:

2 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»