Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հաջողության գաղտնիքներ

Դուք չեք ընկնում, երբ շարժվում եք..

Երբ մարդը դադարում է շարժվել ֆիզիկապես, նա կորցնում է իր առողջությունը: Երբ մարդը «չի շարժվում» գործերում, առաջընթաց չի ունենում։ Երբ մարդը «չի շարժվում» ընտանիքում, ընտանեկան կայունությունն է ընկնում: Երբ մարդը «չի շարժվում» իր մտածելակերպում, մտածելակերպը նույնն է մնում: Շարժումն ամենակարևորն է: Առանց շարժման մենք ընկնում ենք, շարժվելով՝ արդյունքների հասնում: Բնությունն այդ դասը մեզ վաղուց արդեն տվել է: Երբ գետը չի շարժվում, մամռակալում է և նեխում: Երբ չի շարժվում օդը երկար ժամանակ, ժողովուրդն ասում է «շնչելու օդ չկա»: Մեղուները շարժվում են, որպեսզի աշխատեն, կենդանիները շարժվում են, որպեսզի ուտեն: Եթե չշարժվեին մոլորակները, հավանաբար կյանք չէր լինի: Նույնիսկ մեր տեխնոլոգիական աշխարհն է դա հուշում: Երբ չեն շարժվում մեքենաները, խցանումներ են լինում: Երբ չի շարժվում տեխնիկան, արտադրությունն է կանգ առնում: Առանց շարժման էներգիա չի լինում: Ինքնաթիռն ընկնում է, երբ շարժում չի լինում: Երբ կյանքի ինչ-որ ոլորտում ինչ-որ բան չի ստացվում, նշանակում է շարժումն է պակասում:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»