Եթե կարդացել եք իմ նախորդ գրքերը, ապա այս մեկն ընթերցելիս ժամանակավորապես մոռացեք դրանք: Սա մոտիվացիոն գիրք չէ: Ընթերցելիս զգացմունքները փոփոխական կլինեն: Ներկայացված որոշ մտքերի հետ դուք անմիջապես չեք համաձայնվի, որոշ մտքերի հետ չեք համաձայնվի ընդհանրապես: Սակայն գրքի նպատակը իմ ներկայացրած մտքերն ընդունելը և դրանք ձերը դարձնելը չէ: Նպատակն այլ է. փորձենք մտածել ինքնուրույն՝ կտրվելով համամարդկային ընդհանուր մտածողությունից: Փորձենք ընդլայնել մեր գիտակցության սահմանները: Հուսով եմ՝ գիրքն օգտակար կլինի և կտեղափոխի ձեր մտածողությունը նոր հարթություն: Ընթերցեք և վերլուծեք ինքնուրույն: Այն ձեզ ոչինչ չի պարտադրում, ընդամենը հնարավորություն է տալիս ճանապարհորդել դեպի մեկ այլ իրականություն:


   


Հաջողության գաղտնիքներ Հեղինակային առակներ

Մենք ինքներս ենք որոշում` ընկնե՞լ սթրեսի մեջ, թե՞ ոչ

Ամուսինն աշխատանքից շտապում էր տուն: Ճանապարհին ընկավ և ոլորեց ոտքը: Կաղալով` շարունակեց ճանապարհը: Մտավ խանութ, որպեսզի սուրճ գնի: Պարզվեց, որ ընկնելիս կորցրել է դրամապանակը: Ցանկացավ զանգել կնոջը, բայց հասկացավ, որ հեռախոսը կոտրված է: Դուրս եկավ խանութից, և այդ պահին կողքով անցնող մոտոցիկլը, արագությամբ անցնելով ջրափոսի վրայով, վրան շպրտեց ցեխի շիթերը: Ցեխոտված շորերով և կաղալով` անցավ դիմացի մայթը, որպեսզի նստի: Մինչ անցնում էր փողոցը` երկու կին զբաղեցրեցին նստարանը: Շարունակեց քայլել դեպի մոտակա շենքի բակը: Բակում երեխաները ֆուտբոլ էին խաղում: Տեսնելով կեղտոտ շորերով, կաղացող անցորդին` երեխաները սկսեցին ծիծաղալ և կատակել: Ժպտալով` անցավ: Հասավ տուն:
— Ո՞ւրրր էիր, — գոռաց կինը, ով սպասում էր նրան տան շքամուտքում:
Համբուրեց զայրացած կնոջը, անցավ կողքով, մտավ տուն, պառկեց մահճակալին և փակեց աչքերը: Երջանիկ էր, որ արդեն տանն է:

Սթրես ստեղծում են ոչ թե իրավիճակները, այլ դրանց հանդեպ վերաբերմունքը:

Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ:

Մեկնաբանել

«Ոչ ստանդարտ» գիրք

Մեր օրերում մարդիկ իրենց ժամանակի մեծ մասը տրամադրում են աշխատանքին և գումար վաստակելուն: Ժամանակի մյուս մասը, երբ նրանք չեն աշխատում, աշխատանքով են զբաղված նրանց մտքերը: Ես միշտ դեմ եմ եղել առավոտից մինչ ուշ երեկո աշխատելուն՝ լավ արդյունքներ ունենալու համար: Դրա փոխարեն պետք է ստեղծել արդյունավետ համակարգեր, որոնց շարժիչ գործոնը ժամանակը չէ: Ժամանակի ավելացած մասը կարելի է օգտագործել մտածելու, վերլուծելու նպատակով: Ժամանակի որոշակի հատված անպայման պետք է տրամադրել մտածելուն:

 
error: Կյանքն ավելի հրաշալի է, երբ ստեղծում ես սեփական «բովանդակությունը»