Հաջողության դասեր Բոդո Շեֆերից

Բոլոր այն մարդիկ, ովքեր ուսումնասիրում են հաջողության թեման, զբաղվում են ինքնազարգացմամբ և ցանկանում են դառնալ ֆինանսապես անկախ, կարծում եմ` պետք է իմանան, թե ով է Բոդո Շեֆերը: Եվրոպայում նա համարվում է անհատի զարգացման և ֆինանսական հարցերով լավագույն խորհրդատուներից մեկը, իսկ իր հայրենիքում` Գերմանիայում, նրան անվանում են «ֆինանսական Մոցարտ»: Նա սեմինարներ է անցկացնում աշխարհի տարբեր երկրներում, սովորեցնում է հազարավոր մարդկանց, ինչպես հասնել հաջողության և դառնալ ֆինանսապես անկախ: Շատերն են իրենց հաջողությունների համար պարտական նրա գրքերին ու սեմինարներին: Նրա «Ճանապարհ դեպի ֆինանսական ազատություն» գիրքը համարվում է բոլոր ժամանակների ֆինանսական լավագույն գրքերից մեկը: Ցանկացողները այդ գիրքը կարող են ներբեռնել այստեղից:

Հիշում եմ այն օրը, երբ առաջին անգամ դիտեցի նրա սեմինարներից մեկի տեսանյութը, որը հուսով եմ` կդիտեք նաև դուք` հոդվածը կարդալուց հետո: Արդեն բավական ուշ ժամ էր` գիշերվա ժամը 1-ը: 20-30 րոպե էր անցել տեսանյութի 1-ին մասից, իսկ իմ ներսում չգիտեմ ինչ էր կատարվում: Այնքան ոգևորված էի, ուզում էի գոռալ, ծափ էի տալիս, գիշերվա ժամը 1-ին ուզում էի զանգել ընկերուհուս, քնից հանել, պատմել ու 128մբ/վ արագությամբ ինտերնետով 1ԳԲ-ից ավել ծավալ ունեցող ֆայլն ուղարկել նրան, որ ինքն էլ շուտ նայի:

Այլևս ոչինչ չեմ ասում: Բոլորին խորհուրդ կտամ անպայման ՄԻՆՉԵՎ ՎԵՐՋ դիտել տեսանյութի երկու մասերն էլ: Դա կարող է դառնալ ձեր կյանքի ամենաարդյունավետ օգտագործած մի քանի ժամը: Դե ինչ… սկսեցինք…