« »

Աշխարհի ամենախելոք մարդը

Աշխարհի ամենախելացի մարդը

Պարզվում է, որ աշխարհի ամենախելոք մարդը կին է: Նա մեր ժամանակակիցն է՝ Մերելին Վոս Սավանտ: Ապրում է ԱՄՆ-ի Միսսուրի նահանգում: Նրա ինտելեկտի IQ գործակիցը 228 միավոր է: Այդ արդյունքը նա գրանցել է դեռևս 10 տարեկանում, որի շնորհիվ էլ հայտնվել է Գինեսի ռեկորդների գրքում: Ուղղակի նշեմ, որ 135 բալից ավելի IQ ունեցող մարդիկ համարվում են հանճար, իսկ միջին մարդու IQ-ն՝ 86-114 միավոր է:

Մասնագետները հաշվել են բոլոր ժամանակների ամենախելացի մարդկանց IQ-ները: Նյուտոնի ու Վոլտերի մոտ այն եղել է 190, Գալիլեյի մոտ՝ 185, Լեոնարդո Դա Վինչիի մոտ՝ 150, Բախի և Դարվինի մոտ՝ 140, Կոպեռնիկոսի մոտ՝ 130:

Մերելին Սավանտը ծնվել է 1946 թվականի օգոստոսի 11-ին: Նրա ազգանունը ֆրանսերենից թարգմանաբար նշանակում է «իմաստուն»: Հոր և մոր կողմից նրա նախնիները հայտնի են եղել իրենց ինտելեկտով, ընդ որում նրա ծնողները համալսարան չեն ավարտել: Մերելինը նույնպես թողել է համալսարանը՝ սովորելով 2 տարի: Մերելինի հոր խոսքերով «համալսարանը դա վայր է, որտեղ կարելի է ձեռք բերել մասնագիտություն, բայց հնարավոր չէ զարգացնել ինտելեկտը»: Մերելինը ամուսնացած է կենսաբան Ռոբերտ Ջարվիկի հետ՝ այն մարդու, որն առաջինն է ստեղծել արհեստական սիրտը: Նրա IQ-ն 180 միավոր է: Նրանք ունեն չափահաս տղա, որի IQ-ն 164 միավոր է: Մերելինի կարծիքով մարդու IQ-ն 40-60%-ով փոխանցվում է ժառանգաբար: Բայց ճիշտ սնվելու դեպքում այն կարելի է մեծացնել միջինում 20%-ով:

Այսօր Մերելինը վարում է «Հարցրու Մերելինին» սյունակը ԱՄՆ հանրահայտ ամսագրերից մեկում և թողարկում է գրքեր: Ինտերնետում նա ունի սեփական էջը, որտեղ պատասխանում է աշխարհի տարբեր ծայրերից եկող հարցերին: Մերելինը համոզված է, որ մարդու խելքը կախված չէ այն գիտելիքների քանակից, որոնք մարդը հաճախ քաոսային կերպով լցնում է իր ուղեղը: Շատ մարդիկ, որոնք հանրագիտարանային գիտելիքներ ունեն, այդպես էլ չեն կարողանում դրանք օգտագործել:

The following two tabs change content below.
Մարդու արտաքին տեսքն ինձ համար նշանակություն չունի: Մարդու խոսքերն ինձ համար մեծ նշանակություն չունեն: Ամենակարևորը՝ մարդու գործերն են:
2 տարբերակ մեր հոդվածներին բաժանորդագրվելու համար


6 մեկնաբանություն

  1. Շնորհակալ եմ հետաքրքիր նյութի համար: Իսկ կարելի՞ է իմանալ, թե ինչպես չափենք մեր IQ-ն (ինքս մի քանի տարբակներ փորձել եմ, բայց որի՞ց է օգտվել նյութի հերոսուհին):

  2. հա, իրո,ք շնորհակալ կլինենք, եթե դուք գտնեք հարմար առցանց թեստ, և տեղադրեք, մենք էլ տեսնենք` հանճար ենք, թե անճար:

  3. Ок :) կաշխատեմ գտնեմ – տեղադրեմ:

  4. Շնորհակալություն, իսկապես հետաքրքիր հոդված էր:) Մեր IQ-ն չափելու միտքը ևս ինձ դուր եկավ !!!

  5. Բայց իմացեք որ IQ-ն կյանքում հաջողություն գրանցելու հետ կապ չունի

  6. Ok Վահե ջան, մերսի :)

Add Comment Register



Մեկնաբանել

Ձեր էլ. հասցեն չի ցուցադրվի կայքում: Պարտադիր դաշտերը նշված են *-ով:

Մեկնաբանություններում կարող եք օգտագործել հետևյալ HTML թեգերը և ատրիբուտները: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>