« »

Անհոգ և երջանիկ ծերություն

Ապրել այնպես, որ չափսոսալ

Բոլորն են երբեմն պատկերացնում, թե ինչպիսին կլինեն իրենք մեծ տարիքում, գոհ կլինեն արդյոք իրենց կյանքից, երջանիկ կլինեն արդյոք: Մենք կնոջս հետ նույնպես երբեմն կատակում ենք այդ թեմայով, որ միասին ապրելու ենք մինչև 99 տարեկան` անհոգ և երջանիկ: Եվ ես համոզված եմ, որ դա այդպես էլ լինելու է և այդ տարիքում մենք կլինենք նույնքան երջանիկ, որքան հիմա: Ինչո՞ւ: Որովհետև մենք մեզ «ծրագրավորել ենք» այդ ուղղությամբ, մենք հավատում ենք դրան և քայլեր ենք ձեռնարկում դրա համար: Անհոգ և երջանիկ ծերություն ունենալու համար պետք է նախօրոք մտածել, քանի դեռ մենք երիտասարդ ենք, ուժեղ և եռանդուն: Դա բախտի բան չէ և ոչ էլ ճակատագրի: Դա մեր ամենօրյա ընտրության արդյունքն է:

Ուզենք թե չուզենք, պետք է գիտակցենք, որ կյանքը սահմանափակ է: Եվ հենց դրա մեջ է կյանքի ողջ հետաքրքրությունը: Եթե մենք անվերջ ապրեինք, ապա ո՞րը կլիներ իմաստը, ինչի՞ այդ դեպքում մենք կձգտեինք: Իսկ այսպես մենք փորձում ենք առավելագույնս հասցնել մեր կյանքի ընթացքում, փորձում ենք ապրել այնպես, որ վերջում չափսոսանք ապրած ոչ մի րոպեի համար և չտխրենք ոչ մի բաց թողնված պահի համար: Իրականում այս հոդվածի նպատակը Ձեզ տխրեցնելը չէ, այլ հակառակը` ոգևորելը, քանի որ մենք բոլորս հիմա ունենք այն հնարավորությունները, որոնք չենք ունենալու ինչ-որ պահի: Եվ քանի դեռ մենք կարող ենք, այդ հնարավորությունները պետք է օգտագործենք: Պետք է օգտագործենք դրանք մինչև վերջ, լիարժեք, որ հետո չափսոսանք չարվածի համար: Դա մեծ պարգև է` երիտասարդ լինելը, որը պետք է գնահատենք: Մենք գտնվում ենք կյանքի ճանապարհի սկզբնամասում և պետք է ձգտենք այնպես անել, որ ճանապարհի վերջին հասնենք ոչ թե հոգնած և շնչակտուր, այլ այդ «ուղևորությունից» հաճույք ստացած և բավարարված:

The following two tabs change content below.
Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ, օգտակար կարծիքներ ստանալու Թրութլի հարթակի համահիմնադիր:
2 տարբերակ մեր հոդվածներին բաժանորդագրվելու համար


4 մեկնաբանություն

Մեկնաբանել

Ձեր էլ. հասցեն չի ցուցադրվի կայքում: Պարտադիր դաշտերը նշված են *-ով:

error: Կյանքն ավելի հրաշալի է, երբ ստեղծում ես սեփական «բովանդակությունը»