« »

Ի՞նչ կարող ես անել Դու. առակ

Ծովաստղ

Մի մարդ առավոտյան զբոսնում էր ծովափով: Ծովն այդ օրն անհանգիստ էր, ալիքները բարձր, քամի էր փչում: Հանկարծ նա նկատեց, որ ալիքներն իրենց հետ ափ են բերում հարյուրավոր ծովաստղեր և երբ նրանք ետ են գնում, ծովաստղերը մնում են ցամաքին և առավոտյան արևի ճառագայթներից մահանում են: Մարդը մի քիչ առաջ շարժվեց և նկատեց մի քանի ծովաստղերի, որոնց ալիքը նոր էր ափ բերել և նրանք դեռ կենդանի էին: Նա վերցրեց մեկին և նետեց ծովը: Ապա մյուսին, հաջորդին, հաջորդին… Քիչ այն կողմ կանգնած էր մեկ այլ մարդ, որը չէր հասկանում, թե ինչ է այս մարդն անում: Վերջիվերջո նա մոտեցավ նրան, բռնեց նրա ձեռքն ու հարցրեց. «Ի՞նչ ես դու անում: Այստեղ հարյուրավոր ծովաստղեր կան, քանիսի՞ն դու կարող ես օգնել: Ի՞նչ է դա փոխելու, ի՞նչ տարբերություն»:

Մյուս մարդը ոչինչ չպատասխանեց: Նա ևս երկու քայլ առաջ արեց, վերցրեց գետնից ևս մեկ կենդանի ծովաստղ, նետեց այն ջուրը և ասաց. «Տարբերությունն այս մեկի համար է»:

Առակի իմաստը հետևյալն է. մենք չենք կարող օգնել բոլորին, բայց կարող ենք օգնել նրանց, ում կարող ենք: Մենք չենք կարող ազդել ամեն ինչի վրա, բայց կարող ենք ազդել այն ամենի վրա, ինչի վրա կարող ենք: Մեր փոքրիկ քայլերն ինչ-որ մեկի համար ՄԵԾ նշանակություն ունեն:

The following two tabs change content below.
Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ, օգտակար կարծիքներ ստանալու Թրութլի հարթակի համահիմնադիր:
2 տարբերակ մեր հոդվածներին բաժանորդագրվելու համար


8 մեկնաբանություն

  1. Շատ հետաքրքիր առակ էր,հաճախ տեղադրիր առակներ Հրաչ ջան:

    • Հրաչ ջան, հիշեցի Մայր Թերեզայի խոսքերը.«Մենք ինքներս էլ զգում ենք, որ այն, ինչ անում ենք, կաթիլ է օվկիանոսի մեջ: Բայց առանց այդ կաթիլի օվկիանոսը փոքր կլիներ»:
      Մեզանից յուրաքանչյուրը մի օր կարող է հայտնվել այդ նույն ծովաստղի տեղում:
      Լինում են դեպքեր, երբ մարդը ոչ միայն չի օգնում, այլ նաև փորձում է խանգարել մյուսներին:

      Օգնենք մյուսներին, եթե կարող ենք:

Մեկնաբանել

Ձեր էլ. հասցեն չի ցուցադրվի կայքում: Պարտադիր դաշտերը նշված են *-ով:

error: Կյանքն ավելի հրաշալի է, երբ ստեղծում ես սեփական «բովանդակությունը»