Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողակ ընկերություններ

Google` նա գրավում է աշխարհը:

Սերգեյ Բրինը և Լարի Փեյջը Google ընկերության հիմնադիրներն են: Այս երկու ընկերների պատմությունը ևս մեկ անգամ ապացուցում է, որ մարդկային տաղանդը, ստեղծագործ մոտեցումը, գործին նվիրվածությունն ու խիզախությունը կարող են դառնալ հաջողության գրավական: Նրանք տաղանդավոր երիտասարդներ են, որոնք Միացյալ Նահանգներում հանդիսանում են «ամերիկյան երազանքի» մարմնավորում:

Սերգեյ Բրինը ծնվել է 1974 թվականի օգոստոսի 21-ին, Մոսկվայում: 1979 թվականին նաընտանիքի հետ տեղափոխվում է Միացյալ Նահանգներ: Նրա հայրը Մերիլենդի համալսարանում մաթեմաթիկայի պրոֆեսոր էր, մայրը` NASA-ի գիտական աշխատակից: 19 տարեկանում նա գերազանց է ավարտում Մերիլենդի համալսարանը, ստանում է բակալավրի կոչում և շարունակում ուսումը Սթենֆորդի համալսարանում, որտեղ էլ ծանոթանում է ապագա գործընկերոջ հետ:

Լարի Փեյջը նույնպես կրթական թեքում ունեցող ընտանիքից էր: Նրա հայրը համակարգչային գիտությունների պրոֆեսոր էր, դասավանդում էր Միչիգանի համալսարանում, մայրը` նույն համալսարանում դասավանդում էր ծրագրավորում: Փեյջը բակալավրի կոչում ստանում է Միչիգանի համալսարանում և ուսումը շարունակում Սթենֆորդի համալսարանում:

Նրանց հանդիպումը տեղի է ունենում 1995 թվականին, երբ Փեյջը ժամանում է Սթենֆորդ: Այդ ժամանակ Բրինին կարգադրված էր ուղեկցել նոր ուսանողներին համալսարանի տարածքում: Իրենց ծանոթության սկզբնական շրջանում նրանք բավականին հաճախ բանավիճում էին տարբեր թեմաների շուրջ, լուրջ քննարկումներ իրականացնում, սակայն շատ շուտով ընկերանում են: Այդ բանավեճերի արդյունքում հայտնի է դառնում, որ երկուսն էլ հետաքրքրվում են տվյալների մեծ զանգվածներից ինֆորմացիայի դուրսբերման խնդրով: Այդ միտքն է հետագայում սկիզբ հանդիսանում նրանց հանճարեղ մտահաղացմանը և 1998 թվականին ընկերները հիմնում են Google ընկերությունը:

Այսօր Google-ը ինտերնետի աշխարհում ամենահաջողակ ընկերություններից մեկն է: Այն իրենից ներկայացնում է ոչ միայն աշխարհի ամենահայտնի ինտերնետային որոնողական համակարգը, որը միլիոնավոր մարդկանց օգնում է գտնել իրենց անհրաժեշտ ինֆորմացիան ցանցում, այլ նաև զբաղվում է գովազդի առք ու վաճառքով, առաջարկում Gmail փոստային համակարգը, ինչպես նաև այնպիսի ծառայություններ, ինչպիսիք են Google Maps-ը, Google Calendar-ը, Google Docs-ը և Google Book Search-ը: Google-ին է պատկանում նաև բոլորի կողմից սիրված YouTube-ը: Եվ սա դեռ ամենը չէ: Նա շարունակում է գրավել աշխարհը:

Google տերմինը առաջացել է googol բառից, իսկ googol-ը դա 10-ի 100 աստիճանն է կամ մեկ` հարյուր զրոներով: Տիեզերքում գոյություն չունի ինչ-որ բանի googol: Դրանով ընկերության հիմնադիրներն ուզում են հասկացնել, որ իրենց նպատակն է ստեղծել որոնման համար անվերջ մեծ տվյալների բազա:

Լեգենդներ են պտտվում այն մասին, թե ինչպիսի պայմաններ է առաջարկում Google-ն իր աշխատակիցներին: Շատերը երևի լսել են ռեստորանների, մերսման սենյակների և Segway’ах անհատական փոխադրամիջոցների մասին, որոնցով աշխատակիցները տեղափոխվում են հենց գրասենյակում: Ըստ Fortune ամսագրի, 2007 թվականին Google ընկերությունը 1-ին տեղն է զբաղեցնում իր աշխատակիցների համար ստեղծած աշխատանքային պայմաններով:

Ընկերության կենտրոնական գրասենյակը աշխատում է 24 ժամ և աշխատակիցներն իրենք են որոշում` օրվա որ ժամին աշխատել: Սակայն պետք է նշել, որ գիշերային ժամերին լիարժեք չի աշխատում Google-ի «ռեստորանային» ճաշարանը: Այդ ժամանակ աշխատողները կարող են օգտվել սրճարաններից, սակայն իրական համեղ «ռեստորանային» ուտելիքի նրանք կարող են հավակնել միայն ճաշի ժամին: Ընդ որում, այդ ամենը աշխատակիցները ստանում են անվճար: Ավելին, նրանցից յուրաքանչյուրը կարող է բերել իր ծանոթներից որևէ մեկին, որին նույնպես անվճար կկերակրեն: Ընկերության օրենքներից մեկի համաձայն, օֆիսում աշխատողների աշխատանքային տեղերը պետք է լինեն մոտակա սրճարանից 30 մետր շառավղով տարածքում, որպեսզի նրանք օգտվեն դրանից, երբ ցանկանան: Այդ պատճառով էլ գրասենյակում այդքան շատ են այդ մինի-սրճարանները:

Google ընկերությունը ողջունում է իր աշխատակիցների ինքնուրույն մտածելու և ակտիվություն ցուցաբերելու ունակությունը: Այդ պատճառով էլ շաբաթական մեկ օր նրանք կարող են ծախսել սեփական նախագծերի և մտահաղացումների իրականացման վրա: Սովորաբար, եթե այդպիսի պրոյեկտները վերածվում են արժեքավոր ինչ-որ բանի, ընկերությունը ուշադրություն է դարձնում դրանց վրա, ֆինասավորում դրանք և բարձրացնում աշխատակցին աշխատանքային աստիճանով:

Ինչքան էլ զարմանալի է, Google-ում ընդունված չեն մեքենաները: Աշխատակիցների մեծ մասը աշխատանքի են գալիս իրենց հեծանիվներով: Մինչև այդ ավելի տարածված էին սկուտերները: Ընկերությունում ամեն ինչ արվում է նրա համար, որպեսզի աշխատակիցներին հարմար լինի աշխատել, իրենց աշխատատեղը նրանք կարող են կարգավորել ինքնուրույն, հագուստի ոչ մի սահմանափակում այնտեղ չկա: Նույնիսկ ընկերության հիմնադիրներ Սերգեյ Բրինը և Լարի Փեյջն են սիրում հագնվել ազատ ոճով:

Ծրագրավորողների համար, որոնց աշխատանքը հիմնականում նստակյաց է, ամենավտանգավոր հիվանդություններ են հանդիսանում նրանք, որոնք կապված են ողնաշարի հետ: Ո՛չ մի խոչընդոտ: Google-ում աշխատակիցները ցանկացած ժամանակ կարող են օգտվել մերսման սրահից: Բացի այդ, ընկերությունում կան հատուկ «կարդալու» սենյակներ, որտեղ աշխատակիցները հանգիստ մթնոլորտում կարող են ավելացնել իրենց գիտելիքները` աշխատանքի վերաբերյալ, իհարկե:

Այս ամենից բացի աշխատակիցների համար գործում են ժամանցի այլ ձևեր` խաղասեղաններ, սեղանի ֆուտբոլ, թենիս, վոլեյբոլ: Մի խոսքով ձանձրալի չի լինի, կարևորը լավ աշխատելն է: Ժամանակ առ ժամանակ Google-ը վարձում է կինոթատրոն, որտեղ իր աշխատակիցները կարող են անվճար ֆիլմեր դիտել: Նրանցից յուրաքանչյուրը կարող է իր հետ նույնիսկ մեկ ծանոթ վերցնել:

Քանի որ Կալիֆոռնիայում Google-ի գրասենյակը բավականին մեծ է, ապա տեղաշարժվելու համար աշխատակիցները կարող են օգտվել անհատական փոխադրամիջոցներից: Դա թույլ է տալիս նաև խնայել այն ժամանակը, որը պետք է ծախսել քայլելու վրա: Աշխատանքային օրվա ավարտից հետո աշխատակիցները կարող են անվճար օգտվել սպորտային դահլիճից, լողավազանից, վոլեյբոլի կամ ֆուտբոլի դաշտերից: Ցանկության դեպքում նրանք կարող են աշխատել` նույնիսկ գտնվելով լողավազանում: Google ընկերությունում նշվում են բազմաթիվ տոներ, սակայն ամենագլխավորը բոլոր աշխատակիցների համար ապրիլի 1-ն է, որը նշվում է մեծ շուքով:

Այս ամենին կարելի է ավելացնել միայն այն, որ Google-ը ոչ միայն լավագույն պայմաններ է ապահովում իր աշխատակիցների համար, այլ նաև հանդիսանում է աշխարհում ամենաարագ զարգացող IT-ընկերություններից մեկը:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

5 մեկնաբանություն

  • Google-ը իրոք որ գրավում է աշխարհը: Ինտերնետում նրա մատուցած ծառայությունները բարձրակարգ են: Կարելի է նշել օրինակ Gmail-ը կամ Google Translate-ը:

  • Բարև բոլորին.
    նախ ասեմ ,որ շատ հետաքրքիր և ակտուալ թեմա է և ինձ մոտ ծագեց այսպիսի հարցեր.
    1. Ընդունենք ես ձեռք եմ բերել Google 30 բաժնետոմս :Ցանկալի է իմանալ որքան ժամանակից հետո այն կարող եմ վաճառել,ինչպես է կատարվում այդ գործընթացը.
    2. Տարվա վերջում շահութի բաշխումը ինչպես է կատարվում և ինպես կարող եմ իմանալ ես դրա մասին:Եվ առհասարակ խնդրում եմ մանրամասնեք շահույթի մասին:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»