Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Յուրաքանչյուրը կարող է ինչ-որ բան փոխել…

18-րդ դարի 2-րդ կեսին Ջոն Ուեսլին, անցնելով Անգլիայի գյուղական վայրերով, ապշում է` տեսնելով գյուղացիների աղքատ, անբարեկեցիկ և հուսահատ վիճակը: Նրա մոտ միտք է ծագում` տեղի կանանց բաժանել ծաղիկների սերմեր և հայտարարել մրցույթ լավագույն այգու համար: Արդյունքում, Անգլիայի գյուղական վայրերն այսօր համարվում են ամենագեղեցիկներից մեկն աշխարհում: Ընդամենը մեկ մարդ, առանց կողմնակի օգնության, փոխեց մի ամբողջ երկրի գյուղական վայրերի տեսքը:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

5 մեկնաբանություն

  • Շատ լավ կլիներ, որ մեր օրերում էլ լինեին Ջոն Ուեսլիի նման մտածելակերպով մարդիկ: Այսօր ամենքն էլ սպասում են, որ որևէ մեկը իրենց համար պետք է անի մի լավ գործ, որից իրենք կգոհանան: Բայց երբեք իրենք չեն մտածի որևէ մեկի համար հաճելի անակնկալ անել, առանց որևէ ակնկալիքի:

  • Ruzanna ջան, եթե դուք այդպես եք մտածում, արդեն շատ լավա!: Հաջողության հասնելու գլխավոր գաղտնիքներից մեկը իմ կարծիքով դա է` մարդուն լավություն անել առանց ակնկալիքի: Այսինքն ոչ միայն հաջողության համար, դա զուտ մարդկային մոտեցում է:

  • Հիանալի հոդված էր: Սիրում եմ մարդկան, ովքեր բացի փողի մասին մտածելուց, մտածում են նաև ուրիշների մասին: Իմ կարծիքով մարդն ավելի կարևոր է, քան նյութը

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»