Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողակ մարդիկ

Ֆինանսական հանճարը. Ջորջ Սորոս

Կարևոր չէ՝ ճիշտ ես դու, թե սխալ: Կարևորն այն է, թե որքան գումար ես դու աշխատում, երբ ճիշտ ես, և որքան ես կորցնում, երբ սխալ ես:

Աշխարհում կան մարդիկ, որոնք իրոք փոխում են աշխարհը: Նրանցից մեկը հայտնի ֆինանսական գործիչ Ջորջ Սորոսն է: Սկսելով իր գործունեությունը 1950-ական թվականներին բեռներ տեղափոխելով, մատուցող և խնձոր հավաքող աշխատելով, նա ժամանակի ընթացքում մտնում է ֆինանսների աշխարհ, բացում է սեփական ներդրումային ֆոնդը, միջազգային ակտիվ ֆինանսական գործունեություն է ծավալում և դառնում է աշխարհի ամենահեղինակավոր ֆինանսիստներից մեկը: Նա հայտնի է որպես մարդ, ում հաջողվեց «կոտրել Անգլիայի բանկը»: 2010 թվականին նրա կարողությունը գնահատվում էր $10,5 մլրդ:

Պատմություն

Ջորջ Սորոսը ծնվել է Բուդապեշտում, 1930 թվականին: Լինելով ազգությամբ հրեա` նա ստիպված է լինում ընտանիքի հետ կեղծ փաստաթղթերով փախչել Անգլիա` գերմանական հետապնդումներից խուսափելու համար: Այնուհետև, ընկերոջ հոր հրավերով նա մեկնում է Միացյալ Նահանգներ, որտեղ էլ սկսում է իր ֆինանսական գործունեությունը: Սորոսի ֆինանսական կարիերայում եղել են և՛ վերելքներ և՛ վայրէջքներ: Այսպես, «խաղալով» Ֆորեքս շուկայում 1992 թվականի սեպտեմբերին ֆունտ/դոլար փոխարժեքի վրա, մի քանի օրվա ընթացքում նա աշխատում է $2 մլրդ: Մյուս կողմից, 2000 թվականի աշնանը, ՆԱՍԴԱՔ արժեթղթերի շուկայի «անկումից» հետո, նա կորցնում է մոտ $3 մլրդ:

Ֆինանսական գաղտնիքներ

Սորոսի ֆինանսական հաջողությունը համարվում է աննախադեպ, քանի որ նա առաջին մարդն էր աշխարհում, ում հաջողվեց 1 տարվա ընթացքում աշխատել $20 մլրդ: Իրեն անհրաժեշտ ողջ ինֆորմացիան նա վերցնում է սովորական թերթերից: Նա չի օգտվում տեխնիկական անալիզներից, չի վստահում վերլուծաբանների կարծիքներին և համարում է, որ ֆինանսների աշխարհում չկան հստակ օրենքներ: Ամեն ինչ որոշում է «ամբոխների» հոգեբանությունը: Ավելի հաճախ նա վստահում է իր կանխազգացմանը: Սորոսի տղան ասում է, որ «հայրը սկսում է գնել այն ժամանակ, երբ նրա մեջքը ցավում է և վաճառում է այն ժամանակ, երբ ցավն անցնում է»:

Բարերար

Մի բան կարելի է ասել հաստատ: Ջորջ Սորոսը հսկայական գումարներ է ծախսում բարեգործության վրա: Միայն 2001 թվականին նա բարեգործական նպատակներով ծախսում է ավելի քան $500 մլն: Նա օգնության հիմնադրամներ է ստեղծել աշխարհի ավելի քան 50 երկրներում, որոնց նպատակն է օգնել մարդկանց և աջակցել դեմոկրատիայի զարգացմանը այդ երկրներում:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

3 մեկնաբանություն

  • Դժվար է նման մեծության մասին կարծիք հայտնել…Թե ինչպես հասավ հաջողության նա չի թաքցնում, և դա է իմ համար ամենակարևորը, որ մարդը հասնելով մեծ հաջողությունների չի դառնում <>, այլ օգնում է մնացածներին շարժվել առաջ, նույնիսկ կիսվելով իր հաջողության գաղտնիքներով:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»