Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Կյանքն ընտրություն է

Ես չեմ հավատում, որ իրավիճակներն են ձևավորում մեր կյանքը: Այդ մենք ենք ամեն օր որոշում, թե ինչպես ենք ապրելու՝ մեր արարքներով, մեր որոշումներով, մեր ակտիվությամբ կամ պասիվությամբ: Մենք ամեն օր ընտրություն ենք կատարում՝ ապրելու ենք ուրախ ու երջանիկ, թե՞ դժբախտ ու անիմաստ: Այդ ընտրությունը շատերս կատարում ենք ենթագիտակցորեն՝ առանց հասկանալու, որ առօրյա մեր ամեն մի փոքրիկ որոշումը կարող է ազդել մեր հետագա ողջ կյանքի վրա: Եվ պետք չէ հետագայում մեղադրել ոչ ոքի, որ մենք չենք ապրել այնպես, ինչպես ցանկացել ենք: Դա մեր և միայն մեր ընտրության արդյունքն է եղել:

Միշտ հիշեք՝ ընտրություն չկատարելը, նույնպես ընտրություն է: Եթե ձեզ դուր չի գալիս ապրել մի երկրում, որտեղ դուք չեք կարողանում ձեզ լիարժեք զգալ, բայց շարունակում եք այնտեղ ապրել՝ դա ձեր ընտրությունն է: Եթե դուք մասնագիտություն ունեք, բայց չեք կարողանում այդ մասնագիտությամբ աշխատանք գտնել՝ դա ձեր ընտրության արդյունքն է: Չէ՞ որ ժամանակին դուք եք ընտրել այդ մասնագիտությունը: Եվ նույնիսկ, եթե դուք չեք ընտրել, այլ ձեր ծնողները, ապա փոխեք ձեր մասնագիտությունը: Այնպիսի բան սովորեք, որը կարող է օգնել ձեզ աշխատանք գտնել: Եթե չեք անում դա՝ դա ձեր ընտրությունն է: Եթե ձեր գործերը վատ են և դուք չեք կարողանում վճարել ձեր պարտքերն ու վարկերը, ապա դրանում միակ «մեղավորը» դուք եք: Չէ՞ որ ժամանակին դուք եք վերցրել այդ վարկերն ու պարտքերը, ոչ ոք ձեզ չի ստիպել անել դա:

Օրինակները բազմաթիվ են: Երբ հետ ես նայում, տեսնում ես, որ ոչ մի բան հենց այնպես չի լինում, ամեն ինչ ունի իր պատճառն ու սկիզբը: Միգուցե այդ պատճառները դուք չեք նկատում, բայց դա չի նշանակում, որ դրանք չկան: Ցանկացած բան, որը լինում է, լինում է ձեր կատարված կամ չկատարված ընտրության արդյունքում: Մարդը դառնում է հաջողակ և սկսում է ապրել երջանիկ միայն այն ժամանակ, երբ քաջություն է ունենում ընդունել դա, վերցնում է ողջ պատասխանատվությունն իր վրա, չի մեղադրում շրջապատին և իրավիճակներին և սկսում է աշխատել իր վրա:

Այնպես որ, ամեն օր, ամեն մի պահի, երբ դուք ինչ-որ բան եք անում, մտածեք` արդյո՞ք ճիշտ ընտրություն եք դուք կատարում: Արդյո՞ք կօգնի դա ձեզ ավելի հաջողակ ու երջանիկ դառնալ, թե հակառակը` կտանի ձեզ դեպի ներքև: Փոխեք ինքներդ ձեզ` փոխարենը փոխելու ողջ աշխարհն ու բոլորին:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

9 մեկնաբանություն

  • KNERES bayc es hamamit 4em qo het, ha menq katarum enq ntryun , ayo mer sxalneri hamar patasxanatu enq menq u miayn menq, bayc ka mi hat mec<>shat hachax [email protected] [email protected] mer poxaren voroshuma anel en inch menq erbeq 4einq ani,du et iravi4akum hastat urish ban kntreir(es im hamar em asum ,du aselov indz nkati unem) ete du da 4es @ndunum erevi te shat lavates mardes

    • Սիրանուշ ջան մերսի, ինչ-որ դեպքեր իհարկե կարող են լինել, բայց դե առանձին դեպքերը չպետք է ազդեն ընդհանուր կյանքի վրա: Հնարավոր է ինչ-որ պահի ընտրությունը քեզանից կախված չլինի, բայց դրանից հետո արդեն կարող ես դու դա փոխել, ետ բերել կամ ինչ-որ բան անել: Երբ կյանքի վերաբերվում ես որպես մի ուղղություն, ապա առանձին շողումները չպետք է ընդհանուր ճանապարհը շեղեն:

  • LUKA JAN DU UXAKI CHES kara het beres vortev du 4i et sxaln arel, u qani vor du @ndhanur es grel, esel asum em vor shat masnavor depqer kan voronq antesel 4enq kara u 4i kareli, + kan chakatagrakan paher voronq du ches arel, bayc porcel es uxel, u erb vor zgacel u haskacel es vor ches kara mnacac sax kyanqd darcela sxalneri mec banak, u du gitakcum es vor sxal es bayc uxel el 4es kara vortev uxaki ujerd 4en nerum

    • Հասկացա Սիրանուշ ջան,
      Բայց դա ուրիշ հարց ա եթե ուժերդ չեն ներում կամ անցյալը խանգարում է ներկան ու ապագան կարգավորելուն: Ամեն դեպքում էլի քեզանից է դա կախված, պետք է ուժ գտնես ու ամեն ինչ փոխես, անելանելի իրավիճակներ չկան… համենայնդեպս ես չեմ հանդիպել: Մի քիչ դժվար է այսպես խոսալ, որովհետև ամեն մարդ կյանքի իր փորձն ունի և ես գրում եմ այն, ինչ ինքս եմ զգում, բայց հնարավոր է որ ինչ-որ մեկի մոտ լինի մի իրավիճակ, որ ես չեմ էլ պատկերացնում:

    • Սիրանուշ ջան մերսի 🙂
      Հոդվածներում մենք գրում ենք մեր մտքերը, բայց դրանք հստակ ցուցումներ չեն մարդկանց, ամեն մեկն ինքն իր համար պետք է որոշի, ընդունի դրանք, թե ոչ..

  • Ցավոք կան իրադարձություններ ու ընտրություններ, որ անկախ ամեն ինչից չենք կարող փոխել:Մենք իզորու չենք հետ բերել ժամանակը ու ցավ չապրել, բայց կարող ենք մեր կյանքից ջնջել 《եթե》-ն:
    Եթե ես կարողանաի գնալ…, եթե ես ասեի…Եթե…
    Այսօր մենք կարող ենք փոխել ինքներս մեզ ասելով 《ես կարող եմ》
    Ցավոք ես ամեն օր ինքս ինձ ասում եմ 《Եթե…》

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»