Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հաջողության գաղտնիքներ

Ո՞ր գայլին եք Դուք կերակրում

Վաղո՜ւց, շատ վաղուց, մի տեղ մի անգամ` իմաստուն ծերունին բացում է իր թոռնիկին կյանքի ճշմարտություններից մեկը.
  — Յուրաքանչյուր մարդու մեջ պայքար է գնում, որը շատ նման է երկու գայլերի պայքարին: Գայլերից մեկն իրենից ներկայացնում է չարը, վատը, նախանձը, վիշտը, եսասիրությունը, սուտը: Մյուս գայլն իրենից ներկայացնում է բարին, խաղաղությունը, սերը, հույսը, հավատը, ճշմարտությունը, հավատարմությունը:
Թոռնիկը` մինչև հոգու խորքը պապու խոսքերից տպավորված, մի քիչ մտածում է, ապա հարցնում.
 — Իսկ գայլերից ո՞րն է վերջում հաղթում:
Ծերունին ժպտում է և պատասխանում.
 — Միշտ հաղթում է այն գայլը, որին ԴՈՒ ԻՆՔԴ ես կերակրում:

Սա շատ իմաստուն առակ է և լրացուցիչ մեկնաբանություններ մենք այստեղ չենք թողնի: Թող յուրաքանչյուր մարդ ինքնուրույն խորհի այդ մասին:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

1 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»