Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Ժամանակի կառավարում

Մաքրեք Ձեր ուղեղը «բաց» մտքերից

Ի՞նչ է նշանակում «բաց մտքեր»: «Բաց մտքեր»-ը դրանք այն գործերի և անելիքների մասին մտածմունքներն են, որոնք Դուք պետք է անեք, բաց դեռ չեք արել: Օրինակ, Դուք զարթնել եք առավոտյան և գիտեք, որ օրվա ընթացքում պետք է զանգահարեք Ձեր ընկերոջը, պետք է կատարեք կոմունալ վճարումները, պետք է աշխատանքի վայրում ինչ-որ գործեր ավարտին հասցնեք, պետք է Ձեր հեռախոսը տանեք վերանորոգման, պետք է տան համար որոշ գնումներ կատարեք, և այլն, և այլն: Այդ ամենը Դուք պետք է անեք, բայց դեռ չեք արել: Եվ քանի դեռ չեք արել, այդ մտքերն անընդհատ պտտվելու են Ձեր գլխում և Ձեզ անհանգստություն են պատճառելու: Դուք զգալու եք Ձեզ «ոչ ձեր ափսեում» և զգացում է առաջանալու, որ ինչ-որ բան այնպես չէ, կարծես դուք չեք վերահսկում իրավիճակը:

Այդ անհանգստությունը, կարծում եմ, բոլորիս է ծանոթ, բայց շատերը չեն հասկանում, թե որն է դրա պատճառը: Իսկ պատճառը չարված գործերի մասին անընդհատ մտածմունքներն են: Երբեմն այդ մտածմունքներից մարդը կարող են նույնիսկ հոգնել, իսկ հետո էլ չհասկանալ, թե ինչից է հոգնել. չէ՞ որ օրվա ընթացքում ֆիզիկական ինչ-որ ծանրաբեռնվածություն առանձնապես չի էլ եղել: Բայց մտավոր աշխատանքը նույնպես հոգնեցնում է, առավել ևս, երբ այդ աշխատանքը Ձեզ ոչ թե հաճույք է պատճառում, այլ անհանգստություն:

Այդ պատճառով, որպեսզի ազատվեք անհանգստությունից, անհրաժեշտ է, որ որքան հնարավոր է շուտ ավարտին հասցնեք Ձեր կիսատ գործերը: Սկզբում արեք այն գործերը, որոնք Ձեզանից առանձնապես մեծ ջանք և ժամանակ չեն պահանջում: Ազատվեք դրանցից, ապա անցեք մնացածին: Փորձեք կենտրոնանալ գործերից յուրաքանչյուրի վրա առանձին, մեկն ավարտին հասցրեք և նոր անցեք մյուսին: Ամենամեծ դժվարություններից մեկն այն է, որ երբ գործերը շատ են և դժվար է կենտրոնանալ մեկ կոնկրետ գործի վրա: Բայց դրան անհրաժեշտ է վարժվել: Մինչև ավարտին չեք հասցնում մի գործը, մի անցեք մյուսին, այլապես Դուք ռիսկի եք դիմում գործերից ոչ մեկն էլ չհասցնել:

Կա մի այլ եղանակ, որը նույնպես օգնում է ազատել ուղեղը «բաց մտքեր»-ից: Այն բավական պարզ է` անհրաժեշտ է պարզապես մտքերն ուղեղից հանձնել թղթին: Դա իրոք օգնում է: Երբ Դուք Ձեր կիսատ գործերի մասին մտածմունքները փոխանցում եք թղթին, Ձեր ուղեղը թեթևանում է, Ձեզ այլևս պետք չէ հիշել այն, թե ինչ Դուք պետք է անեք, քանի որ այդ ամենն արդեն գրված է թղթի վրա: Դուք պարզապես օրվա ընթացքում անում եք Ձեր գործերը և ջնջում եք դրանք թղթի վրայից: Հավատացեք, այս մեթոդը ոչ միայն օգնում է ազատվել «բաց մտքերից» և անհանգստությունից, այլև դարձնում է Ձեր աշխատանքը ավելի արդյունավետ և Դուք ավելի շատ բան եք հասցնում անել օրվա ընթացքում:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

  • Այս կայքը հայկական հաջողված կայքերից մեկն է (եթե ոչ ամենահաջողվածը): Շարունակեկ նույն տեմպով… դուք բարի գործ եք անում
    Ես ամեն օր այցելում եմ ու հետևում ձեր խորհուրդներին…

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»