Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հաջողության գաղտնիքներ

Պատմություն Սոկրատի մասին

Մի անգամ Սոկրատի մոտ է գալիս մի մարդ ու ասում.
— Դու գիտե՞ս, թե ինչ է խոսում քո մասին քո ընկերը:
Սոկրատը պատասխանում է.
— Մինչ այդ նորությունը ինձ հայտնելը` անցկացրու այն երեք մաղերի միջով: Առաջինը` ճշմարտության մաղն է: Դու համոզվա՞ծ ես, որ այն, ինչ ինձ հիմա պետք է ասես, ճշմարտություն է հանդիսանում:
— Դեե.. ես լսել եմ դա ուրիշներից:
— Տեսնում ես, դու համոզված չես: Երկրորդը` բարության մաղն է: Այդ նորությունը ինձ կուրախացնի՞, ինձ համար հաճելի՞ կլինի:
— Կարծում եմ` ոչ:
— Եվ վերջապես, երրորդ մաղը` օգտակարության մաղն է: Այդ նորությունը օգտակա՞ր կլինի:
— Կասկածում եմ:
— Տեսնում ես, դու ինձ ուզում ես հայտնել մի նորություն, որի մեջ չկա ճշմարտություն և բարություն և բացի այդ` այն անօգուտ է: Այդ դեպքում` էլ ինչո՞ւ է պետք ասել:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

4 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»