Եթե կարդացել եք իմ նախորդ գրքերը, ապա այս մեկն ընթերցելիս ժամանակավորապես մոռացեք դրանք: Սա մոտիվացիոն գիրք չէ: Ընթերցելիս զգացմունքները փոփոխական կլինեն: Ներկայացված որոշ մտքերի հետ դուք անմիջապես չեք համաձայնվի, որոշ մտքերի հետ չեք համաձայնվի ընդհանրապես: Սակայն գրքի նպատակը իմ ներկայացրած մտքերն ընդունելը և դրանք ձերը դարձնելը չէ: Նպատակն այլ է. փորձենք մտածել ինքնուրույն՝ կտրվելով համամարդկային ընդհանուր մտածողությունից: Փորձենք ընդլայնել մեր գիտակցության սահմանները: Հուսով եմ՝ գիրքն օգտակար կլինի և կտեղափոխի ձեր մտածողությունը նոր հարթություն: Ընթերցեք և վերլուծեք ինքնուրույն: Այն ձեզ ոչինչ չի պարտադրում, ընդամենը հնարավորություն է տալիս ճանապարհորդել դեպի մեկ այլ իրականություն:


   


Հետաքրքիր է

Հայտնի մարդկանց այցեքարտերը

Այցեքարտն այսօր դարձել է գործարար մարդու ամենակարևոր աքսեսուարներից մեկը: Այն կոչված է ոչ միայն փոխանցելու Ձեր մասին տեղեկություններ, այլ նաև որոշակի ազդեցություն թողնելու այն մարդու վրա, որին այցեքարտը հանձնվում է: Հիշեք, այցեքարտը սեփական ոճն ու ճաշակը ընդգծելու հնարավորություն է, որի միջոցով մարդիկ կարող են Ձեր մասին կարծիք կազմել: Դասական են համարվում սպիտակ ֆոնի վրա սև տառերով այցեքարտերը: Այցեքարտի մեջտեղի վերին մասում սովորաբար նշվում է կազմակերպության անունը, դրանից ներքև` անուն, ազգանունը, իսկ մի փոքր ավելի ներքև` պաշտոնը: Այցեքարտի ներքևի աջ անկյունում նշվում է հասցեն, հեռախոսահամարը, ֆաքսը, էլ. հասցեն և կայքը:

Ընդհանրապես, ընդունված չէ ստեղծել գույնզգույն և նկարներ պարունակող այցեքարտեր, եթե միայն այցեքարտերի միջոցով Դուք չեք ցանկանում գովազդել Ձեր որևէ ծառայություն: Այդպես են անում, օրինակ, գեղեցկության սրահները, դիզայներները, տաքսիները, ռեստորանները և այլն: Հաճախ այցեքարտերը լինում են երկու լեզվով, մի կողմն օրինակ հայերեն, մյուսը` անգլերեն (արտասահմանյան գործընկերների համար): Բայց ցանկալի է, որ այցեքարտը լինի միակողմանի, որպեսզի ետևի մաքուր մասում այցեքարտ ստացողը կարողանա նշումներ անել: Իսկ տարբեր լեզուների համար կարելի է պահել առանձին այցեքարտեր:

Այցեքարտերն ունեն ընդունված չափ` 90х50մմ: Այցեքարտը կարելի է հանձնել առձեռն կամ ուղարկել վարորդի (առաքիչի) միջոցով, բայց ոչ փոստի: Այցեքարտը մարդուն հանձնելիս պետք է շրջել այնպես, որ նա կարողանա արագ կարդալ տեքստը: Պետք չէ այցեքարտի վրա նշումներ անել կամ խաղացնել այն ձեռքում այցեքարտը հանձնողի մոտ, քանի որ նա կարող է ընկալել դա որպես անհարգալից վերաբերմունք իր հանդեպ և վիրավորվել:

Ամեն դեպքում, Ձեր այցեքարտը Դուք կարող եք ձևավորել այնպես, ինչպես Դուք եք ցանկանում և ինչպես Ձեր երևակայությունն է թույլ տալիս: Բոլորն էլ ուզում են, որ իրենց այցեքարտը տարբերվի մնացած բոլոր այցեքարտերից և մարդկանց վրա տպավորություն թողնի:

Իսկ վերջում ներկայացնենք աշխարհի ամենահայտնի ու հաջողակ մարդկանցից մի քանիսի այցեքարտերը: Համոզված եմ, որ դա Ձեզ կհետաքրքրի:

Սթիվ Ջոբս
Սթիվ Վոզնյակ
Բիլլ Գեյթս
Մարկ Ցուկերբերգ
Դոնալդ Տրամպ
Բարաք Օբամա
Ջերրի Յանգ
Լարի Փեյջ

Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ:

Մեկնաբանել

«Ոչ ստանդարտ» գիրք

Մեր օրերում մարդիկ իրենց ժամանակի մեծ մասը տրամադրում են աշխատանքին և գումար վաստակելուն: Ժամանակի մյուս մասը, երբ նրանք չեն աշխատում, աշխատանքով են զբաղված նրանց մտքերը: Ես միշտ դեմ եմ եղել առավոտից մինչ ուշ երեկո աշխատելուն՝ լավ արդյունքներ ունենալու համար: Դրա փոխարեն պետք է ստեղծել արդյունավետ համակարգեր, որոնց շարժիչ գործոնը ժամանակը չէ: Ժամանակի ավելացած մասը կարելի է օգտագործել մտածելու, վերլուծելու նպատակով: Ժամանակի որոշակի հատված անպայման պետք է տրամադրել մտածելուն:

 
error: Կյանքն ավելի հրաշալի է, երբ ստեղծում ես սեփական «բովանդակությունը»