Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Հաղթահարեք կյանքի դժվարությունները

Երիտասարդ աղջիկը քայլում էր ծովափին իր ընկերոջ հետ, որը փորձառու նավաստի էր: Աղջկա կյանքում ամեն ինչ հարթ չէր, նրան անընդհատ տանջում էին կյանքի ինչ-որ խնդիրներ, նա դժվարություններ ուներ, որոնց մասին չէր կարողանում չմտածել: Նա քայլում էր մտահոգված, սակայն ձևացնելով, որ լսում է ընկերոջը: Ընկերն իհարկե նկատեց աղջկա մտահոգությունը և չէր կարող անտարբեր մնալ: Երբ նրանք հասան կամուրջին և անցնում էին դրա վրայով, նա հարցրեց աղջկան.
— Ի՞նչ ես կարծում, եթե ես հիմա ընկնեի ջուրը, ապա կխեղդվեի՞:

Աղջիկը գլուխն առաջ տարավ և նայեց ներքև` կատաղած սառը ալիքներին:
  — Իհարկե դու կխեղդվեի՛ր, — ասաց նա շփոթված:
  — Կասկածում եմ, — առարկեց ընկերը, — ես կյանքումս ոչ մի անգամ չեմ տեսել, որ ինչ-որ մեկը խեղդվի միայն այն պատճառով, որ հայտնվել է ջրում: Ես կխեղդվեմ միայն այն ժամանակ, երբ մնամ դրանում:
  — Բայց տե՛ս, ինչ ուժեղ ալիքներ են, իսկ ջուրն էլ հավանաբար սառցակալած է, — ասաց աղջիկը` փաթաթվելով վերարկուի մեջ, — նույնիսկ եթե դու կենդանի մնաս, դու հաստատ կհայտնվես հիվանդանոցում սառցակալումից:
  — Միայն այն դեպքում, երբ ես ջրի մեջ երկար մնամ, — շարունակեց ընկերը, — Չէ՞ որ ես նավաստի եմ: Ես հազար անգամ ընկել եմ ջուրը, այդ պատճառով էլ գիտեմ, թե ինչ եմ ասում: Երբ ես առաջին անգամ ընկա, ես ահավոր վախեցել էի: Բայց հետո ես հասկացա, որ ինձ հետ ոչինչ չի լինի, եթե ես շուտ դուրս գամ: — Նույն կերպ պետք է վարվել քո խնդիրների հետ, — քնքշորեն դիմեց նա աղջկան, — մտահոգվելու և տանջվելու փոխարեն, դու ավելի լավ է մտածիր այն մասին, թե ինչպես կարելի է այդ ամենի միջից շուտ դուրս գալ:

Հ.Գ.
Հիշեք, խնդիրները պետք է լուծել, այլ ոչ թե դրանցով մտահոգվել, տանջվել կամ սեփական անձը խղճալ: Եթե մենք հնարավորինս շուտ չենք լուծում դրանք, մենք «խեղդվում ենք» մեր խնդիրների մեջ: Իրականում, մենք ինքներս ենք «ուռճացնում» դրանք: Ցանկացած խնդիր, որը մեր կյանքում լինում է, միայն 20%-ով է ներկայացնում իրական խնդիրը, իսկ մնացածը կախված է նրանից, թե ինչպես ենք մենք դրան վերաբերվում: Մի թողե՛ք, որ ձեր խնդիրները «խեղդեն» ձեզ:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

8 մեկնաբանություն

  • Voncvor sa inz hamar grvac liner, ays amenn inz haskacrec vor bardacnum em, dra hamar el chi stacvum, shnorhakal em , khetevem zer gracin, evs mek angam shnorhakal em……. SHNORHAKALUTYUN

  • Խոսքը մարդկանց ամենից լավ հասնում է առակների ու խրատական պատմությունների ձևով: Հաջողության բլոգի “համի” գաղտնիքներից մեկը թերևս դա է: Օգտակար գործ եք անում: Շնորհակալություն:

  • Մեզ բոլորիս է վերաբերում: Երևի քչերը կան, որ կարողանում են նայել խնդրին այս տեսանկյունից: Շնորհակալություն, Հրաչ ջան, որ կյանքի գաղտնիքներից մեկն էլ բացահայտեցիր մեր համար: 🙂

  • Չես պատկերացնի ինչքան ուրախ եմ մեր ծանոթության համար: Ես գտա մի վայր, որտեղ կարող եմ արտահայտել իմ մտքերը և դրանք հասանելի դարձնել, բոլոր նրանց, ովքեր դրա կարիքն ունեն և միևնույն ժամանակ ձեռք բերեցի շատ ընկերներ: Հասկացա, որ ընկերը նաև նա է, ով քեզ օգնում է ճիշտ ու տեղին ասված խոսքով:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»