Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Աֆորիզմներ

Ամանորը շարունակվում է… ոչ ամանորյա մտքեր

Մտածեք գլխավորի մասին, երբ մանրուքներով եք զբաղված: Այդ ժամանակ մանրուքները կշարժվեն ճիշտ ուղղությամբ (Էլվին Տոֆֆլեր):

Եթե իմ սրտում լինի կանաչ ճյուղ, ապա այնտեղ կլինի նաև երգող թռչուն (չինական ասացվածք):

Սթրեսի դեմ պայքարելու ամենամեծ զենքը` մեր ունակությունն է անցում կատարելու մեկ այլ մտքի (Ուիլյամ Ջեյմս):

Բավարար չէ լինել զբաղված: Հարցը նրանումն է, թե ինչո՞վ եք դուք զբաղված (Հենրի Տոռո):

Մենք այնպես քրտնաջան ու ծանր էինք պայքարում մանրուքների դեմ, որ ինքներս մանր դարձանք (Յուդջին Օ Նիլ):

Ես գիտեմ, որ դուք ոչինչ չունեք: Ահա թե ինչու եմ ես խնդրում ձեզանից ամեն ինչ: Միգուցե՞ այդ ժամանակ դուք ունենաք ամեն ինչ (Անտոնիո Պորչիա):

Միջին վիճակագրական մարդը սովորաբար չգիտի, թե ինչ անել իր կյանքի հետ, այնուամենայնիվ նա ուզում է ևս մեկը, որը կձգվեր անվերջ (Անատոլ Ֆրանս):

Նա, ով չի ցանկանում հանդիպել փշերին, չպետք է փորձի ծաղիկ հավաքել (Հենրի Տոռո):

Մարդիկ միայնակ են, քանի որ կառուցում են պատեր` կամուրջների փոխարեն (Վ. Չեննինգ):

Աշխատանքն ինքը կսովորեցնի ձեզ ինչպես այն անել (Էստոնական ասացվածք):

Լավ գաղափար գտնելու ամենալավ ձևը` բազմաթիվ գաղափարներ ծնելն է (Լինուս Պոլինգ):

Մի անգամ ֆրանսիացի հայտնի մարշալ Լիոտին խնդրեց իր այգեպանին ծառ տնկել: Այգեպանն առարկեց, որ այդ ծառն աճում է շատ դանդաղ և կհասնի իր հասունությանը միայն 100 տարի անց: «Այդ դեպքում չարժե դանդաղել, տնկեք այն հե՛նց այսօր», — պատասխանեց մարշալը (Ջոն Քենեդի):

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»