Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Մի թողեք որ Ձեզ «սպանեն» կենցաղային խնդիրները

Մեր բոլորիս կյանքում էլ լինում են կենցաղային տարբեր իրավիճակներ՝ սառնարանն է փչանում, համակարգիչն է կախում, վերևից ջուր է կաթում, ճաշը անհամ է ստացվում, անհրաժեշտ է գնումներ կատարել, տունը մաքրել, ջահը փոխել, ինտերնետ քաշել և այլն: Այդ իրավիճակներն անխուսափելի են և առօրյայում միշտ էլ ծագում են նման խնդիրներ, որոնք անկանխատեսելի են: Կենցաղային խնդիրներ: Երբեմն մարդիկ այդ կենցաղային խնդիրներին շատ լուրջ են վերաբերվում: Բայց դա այն չէ, ինչին պետք է լուրջ վերաբերվել: Եթե դուք ուզում եք «գրավել աշխարհը», ապա ինչպես դուք կարող եք անել դա, եթե ձեզ համար լրջություն են ներկայացնում կենցաղային այդ մանրուքները:

Ինչո՞ւ ենք ընտրել նման վերնագիր հոդվածի համար: Որովհետև կենցաղն ու առօրյա հոգսերն իրոք շատ հաճախ «սպանում են» մարդուն, նրա երազանքներն ու նպատակները: Շատերը պատկերացնում են իրենց ապագան փայլուն ու բախտավոր, բայց այդ պատկերացումները անմիջապես ցրվում են, երբ նրանք մտնում են կենցաղ: Բայց հասկացեք ամենակարևորը: Այստեղ նույնպես մեղավոր են ոչ թե արտաքին գործոնները, այլ մենք և իրերի հանդեպ մեր վերաբերմունքը: Մենք ինքներս ենք լուրջ վերաբերվում նրան, ինչին պետք չէ լուրջ վերաբերվել: Մենք ինքներս ենք լցնում մեր ուղեղը այնպիսի մտածմունքներով, որոնք մեր կյանքում լուրջ փոփոխություններ չեն մտցնելու՝ տեղ չթողելով այնպիսի մտածմունքների համար, որոնք իրոք կարևոր են:

Կենցաղային խնդիրները մանրուքներ են՝ իրոք մանրուքներ: Սովորեք դրանց վերաբերվել այդպես, եթե մեծ, գլոբալ նպատակներ ունեք: Ես տեսնում եմ, թե ինչպես են շատերը այնպես լուրջ վերաբերվում, օրինակ, նոր տարվա սեղանին, կարծես դա շատ լուրջ մի հարց է: Կամ ինչ-որ մեկի մոտ արդուկն է փչանում և նա այնպես ծանր է դա տանում, կարծես ինչ-որ շատ լուրջ բան է եղել: Ես հասկանում եմ, որ հաճախ պատճառը ֆինանսներն են, չէ՞ որ միգուցե մարդը չունի այդ գումարը արդուկը վերանորոգելու կամ նորը գնելու համար: Բայց դրա մասին մտածելով և տանջվելով արդուկը չի աշխատի: Ավելի լավ է մտածել ստեղծել այնպիսի կյանք, որ արդուկ սարքելը այլևս խնդիր չլինի, այլ ոչ թե ուղեղը ծանրաբեռնել կոնկրետ խնդրով: Նման խնդիրներ անընդհատ լինելու են: Մեկը լուծեք, հայտնվելու է մյուսը, հետո մյուսը… մյուսը և այլն: Ամեն անգամ դրանց վրա կենտրոնանալով գլոբալ խնդիրը չի լուծվում: Ձեր մտքերը, մտածմունքներն ու ջանքերը ուղղեք ճիշտ ուղղությամբ:

Այսուհետև, եթե ձեր առօրյայում ինչ-որ կենցաղային խնդիր է առաջանում, լուծեք այն արագ, առանց երկար մտածմունքների, առանց դրան լուրջ վերաբերվելու, առանց տխրելու, առանց ուղեղը ծանրաբեռնելու, կարծես ինչ-որ մանրուք է եղել, որը շուտով կվերացնեք:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

7 մեկնաբանություն

  • Դե կարծում եմ` հեղինակը գիտեր, որ պետք էր նման հոդված հենց կիրակի օրը տեղեդրել, չէ? 🙂 Իսկ հակառակ երևույթն էլ ա “սպանում”, երբ չափազանց անտարբեր ես վերաբերվում կենցաղին? 🙂

  • Կիրակին ուղղակի համընկեց Վանուհի ջան 🙂 Սպանել հաստատ չեմ կարող ասել, բայց չափազանց անտարբեր էլ պետք չի, ուղղակի պետք է թեթև վերաբերվել ու դրա վրա շատ ժամանակ չծախսել, այսինքն արագ կողմորոշվել:

  • Կենցաղային մանրուքներով ժամանակ առ ժամանակ զբաղվելն ինձ օգնում է ցրվել գործնական միջավայրից և խնդիրներից, այնպես որ կարող եմ ասել, թե դրանք, ընդհակառակը, “կենդանացնում են”, նոր ուժեր են հաղորդում աշխատանքի համար:

  • համընկավ ))) բայց դե ինձ թվում է, որ չի համընկել, “նյուխ” ասվածն է էստեղ գործել, որովհետև շատ հաճախ կիրակին դառնում է ոչ թե հանգստյան օր, այլ օր, որն ամբողջւթյամբ նվիրում ես կենցաղային խնդիրներին:

  • Կենցաղային խնդիրներին մոտիկից ընդունելով միշտ էլ անհանգստություն է պատճառում , իսկ անհանգստացող միտքը դժվար է թէ ընկալում թե մտածում հետագա պլաների մասին, մի առիթով ես աստվածաշնչում հանդիպելեմ նման ուղություն ” Հանդարտ սիրտը կյանք է մարմնին” : Նման դիրքում իսկապես կարողես քո մտքերը իրականություն դարձնել:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»