Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Ժեստերի լեզուն

Ժեստերի լեզուն. ձեռքսեղմում

Իրար ձեռք սեղմելու սովորությունը մարդկանց մոտ գալիս է դեռ հին ժամանակներից: Նախկինում, երբ մարդիկ հանդիպում էին, նրանք դեպի իրար էին պարզում իրենց բաց ափերը, որպեսզի ցույց տան, որ անզեն են: Այդ ժեստը ժամանակի ընթացքում ենթարկվում է փոփոխությունների և առաջ են գալիս մի շարք այլ ժեստեր, որոնցից է օրինակ ձեռքով ողջույնը օդում: Իսկ հին ժամանակների ողջույնի ժամանակակից տարբերակը կայանում է նրանում, որ մարդիկ իրար են պարզում ձեռքերը և սեղմում:

Օդային բարև
Ենթադրենք, դուք նոր մարդու եք հանդիպում և որոշում եք ողջունել նրան ձեռքսեղմումով: Այդ ձեռքսեղման միջոցով դուք կարող եք այնպես անել, որ դիմացինը ձեր մասին երեք բան մտածի: Առաջինը, գերակայություն. «Այս մարդը փորձում է ինձ վրա ճնշում գործադրել: Պետք է նրա հետ զգույշ լինել» (նկ. 1): Երկրորդը, հնազանդություն, զիջողականություն. «Ես կարող եմ այս մարդու վրա ճնշում գործադրել: Նա կանի այնպես, ինչպես ես եմ ցանկանում» (նկ. 2): Երրորդը, հավասարություն. «Ինձ դուր է գալիս այս մարդը: Մենք նրա հետ հեշտ լեզու կգտնենք» (նկ. 3): Այդ ինֆորմացիան փոխանցվում է ոչ գիտակցաբար, բայց դրան պատրաստվելու և նպատակային կիրառելու դեպքում ձեռքսեղման միջոցով դուք կարող եք անմիջական ազդեցություն թողնել այլ մարդկանց հետ ձեր հանդիպման արդյունքի վրա:

Ձեռքսեղման դիրքերը

Եթե դուք մարդուն բարևում եք նկ. 1-ում պատկերված ձևով (ձերը սև մանժետով ձեռքն է), ապա դուք փորձում եք ասել նրան, որ այդ մարդու հետ շփման ժամանակ դուք ուզում եք լինել իրադրության ղեկավարը: Անցկացված հետազոտության արդյունքում պարզվել է, որ հետազոտության մասնակից 54 առաջադեմ և բարձր ադմինիստրատիվ օղակներին պատկանող մարդկանցից 42-ը ոչ միայն առաջինն են մեկնել ձեռքը, այլ նաև օգտագործել են ձեռքսեղման հենց այդ տարբերակը:

Երբ դուք դիմացինին մեկնում եք ձեռքն այնպես, որ ափը հայտնվում է վերևում (նկ. 2), դրանով դուք ցույց եք տալիս նրան ձեր հնազանդությունը: Դա երբեմն անհրաժեշտ է լինում այն ժամանակ, երբ դուք ցանկանում եք նախաձեռնությունը տալ դիմացինին կամ թույլ տալ նրան զգալ իրեն իրավիճակի տերը:

Իսկ երբ բարևելիս երկու ձեռքերն էլ մնում են ուղղահայաց վիճակում (նկ.3), դա ցույց է տալիս, որ երկու մարդիկ էլ մոտենում են իրար փոխըմբռնմամբ և փոխադարձ հարգանքով: Այդպես են հիմնականում բարևում իրար բոլոր սովորական մարդիկ:

Հ.Գ.
Մարդու ժեստերի մասին պատմող բոլոր հոդվածները կարող եք կարդալ այստեղ:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

1 մեկնաբանություն

  • Փաստորեն գրեթե բոլոր կանայք ձեռքսեղմման ժամանակ կանխավ արտահայտում են իրենց իրադրության տեր լինելու ցանկությունը` ձեռքը մեկնելով առաջին նկարի պես, իսկ գրեթե բոլոր տղամարդիկ` իշխվելու ցանկությունը կամ պատրաստակամությունը` ձեռքը մեկնելով երկրորդ նկարի պես:))

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»