Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հետաքրքիր է

Կանադացի տղան փոխում է ամրակը տան հետ

Լսել ե՞ք նման խաղի մասին, երբ ձեռքի տակ եղած անպետք իրերը սկսում ես փոխանակել ավելի արժեքավոր իրերով, դրանք էլ իրենց հերթին և այդպես շարունակ:

Այսպես, 26-ամյա կանադացի Կայլ Մակդոնալդը, սկսելով հասարակ կարմիր ամրակից, կարողանում է փոխանակել այն երկհարկանի առանձնատան հետ: Դրա համար նրանից պահանջվում է ընդամենը 1 տարի:

2005 թվականին Կայլը բացում է կայք, որում հայտարարում է, որ մտադրված է փոխանակել ամրակը տան կամ նույնիսկ կղզու հետ: Սկզբում նա փոխանակում է ամրակը գրիչի հետ: Վերջինս նա փոխանակում է «երջանկություն բերող թալիսմանի» հետ: Թալիսմանը նա փոխանակում է խորովածի մանղալի հետ (հավանաբար փոխանակողը մեր հայրենակիցն է եղել 🙂 ): Մանղալը նա փոխանակում է գեներատորի հետ, իսկ գեներատորն էլ մեկ տակառ գարեջրի հետ:

Այդ պահից սկսած Կայլը որոշում է, որ միայն Կանադայի սահմաններում նա դժվար թե կարողանա իր մտահաղացումն իրականացնել և կայքում գրում է, որ պատրաստ է մեկնել Միացյալ Նահանգների ցանկացած կետ: Արդյունքում, նրան հաջողվում է փոխել մեկ տակառ գարեջուրը ձնագնացի հետ:

Այդ պահին Կայլի կայքն արդեն մեծ հանրաճանաչություն էր ձեռք բերել: Նրան հրավիրում են Կանադական հեռուստաընկերության թոք-շոուներից մեկը, որում նա հայտարարում է, որ պատրաստ է մեկնել ցանկացած վայր, բացի Յակխ անունով քաղաքից (թարգմանաբար նշանակում է «ինչ զզվելի է»): Հաղորդման վերջում նրան զանգահարում և առաջարկում են փոխել ձնագնացը դեպի Յակխ ուղևորության հետ:

Այդ ուղևորությունը Կայլը փոխում է բեռնատարի հետ, որն էլ իր հերթին փոխում է Տորոնտոյի ձայնագրման ստուդիայում 30 ժամ անվճար աշխատանքի հետ: Այնուհետև նրան զանգահարում է մի սկսնակ երգչուհի, որն ուներ տուն Կոլորադոյում: Նա առաջարկում է փոխանակել իր տանը 1 տարի անվճար բնակվելու իրավունքը ստուդիայի հետ պայմանագրի հետ:

Մեկ տարի բնակվելու իրավունքը Կայլը փոխանակում է Էլիս Կուպերի (Alice Cooper) հետ երեկո անցկացնելու հետ, որն էլ փոխանակում է ներսում փոքրիկ արձանիկներով ճենապակե գնդի հետ: Նման գնդերի կոլեկցիոներ, դերասան Քորբին Բրենսենը (Corbin Bernsen) առաջարկում է փոխանակել խաղալիքը իր ֆիլմում դերի հետ: Նոր ֆիլմում խաղալու իրավունքն էլ Կայլը փոխանակում է մի ամբողջ տան հետ: Փաստորեն, սկսելով հասարակ ամրակից՝ վերջիվերջո Կայլին հաջողվում է փոխանակել այն տան հետ:

Հ.Գ.
Այ քեզ երևակայություն: Ահա թե ինչի է հնարավոր հասնել նույնիսկ ոչնչից, միայն թե լինի ցանկություն ու մի քիչ երևակայություն:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

8 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»