Եթե կարդացել եք իմ նախորդ գրքերը, ապա այս մեկն ընթերցելիս ժամանակավորապես մոռացեք դրանք: Սա մոտիվացիոն գիրք չէ: Ընթերցելիս զգացմունքները փոփոխական կլինեն: Ներկայացված որոշ մտքերի հետ դուք անմիջապես չեք համաձայնվի, որոշ մտքերի հետ չեք համաձայնվի ընդհանրապես: Սակայն գրքի նպատակը իմ ներկայացրած մտքերն ընդունելը և դրանք ձերը դարձնելը չէ: Նպատակն այլ է. փորձենք մտածել ինքնուրույն՝ կտրվելով համամարդկային ընդհանուր մտածողությունից: Փորձենք ընդլայնել մեր գիտակցության սահմանները: Հուսով եմ՝ գիրքն օգտակար կլինի և կտեղափոխի ձեր մտածողությունը նոր հարթություն: Ընթերցեք և վերլուծեք ինքնուրույն: Այն ձեզ ոչինչ չի պարտադրում, ընդամենը հնարավորություն է տալիս ճանապարհորդել դեպի մեկ այլ իրականություն:


   


Հաջողության գաղտնիքներ

Առակ: Էշը և ջրհորը:

Մի անգամ գյուղացու էշը ընկնում է ջրհորը: Նա սկսում է սարսափելի գոռալ և օգնության կանչել: Վազելով գալիս է գյուղացին և տեսնելով կատարվածը` թափահարում է ձեռքերը. «Ինչպե՞ս ես հիմա նրան այստեղից հանեմ»:

Այդ ժամանակ գյուղացին սկսում է մտածել. «Իմ էշն արդեն մեծ է: Նրան արդեն քիչ է մնացել ապրելու: Միևնույն է` ես պատրաստվում էի նոր, ավելի երիտասարդ էշ գնել: Իսկ ջրհորն էլ արդեն չորացել է: Ես վաղուց էի պատրաստվում այն թաղել և այլ վայրում նոր ջրհոր փորել: Այդ դեպքում ինչո՞ւ չանել դա հիմա: Ձեռքի հետ էլ էշին կթաղեմ, որ սատկած էշի հոտը չտարածվի ամենուր»:

Նա կանչում է իր հարևաններին` օգնելու իրեն թաղել ջրհորը: Բոլորը միահամուռ գործի են անցնում` վերցնում են բահերը և սկսում հողը լցնել ջրհոր: Էշը միանգամից հասկանում է, թե ինչ է կատարվում և սկսում է սարսափելի զռռոց հանել: Բայց հանկարծ, ի զարմանս բոլորի, նրա ձայնը կտրվում է: Եվս մի քանի բահ հող լցնելուց հետո գյուղացին որոշում է նայել ներքև` պարզելու, թե ինչ է այնտեղ կատարվում:

Երբ նա նայում է ներքև, նա ուղղակի ապշում է: Իր վրա թափված ամեն մի բահ հողը էշը մեջքից թափ էր տալիս և սեղմում էր ոտքերով: Եվ շուտով, ի զարմանս բոլորի, նա հայտնվում է վերևում և դուրս է թռչում ջրհորից:

…Կյանքում նույնպես.. հաճախ Ձեր վրա ամեն տեսակի շատ կեղտ է թափվելու և ամեն անգամ կյանքը փորձելու է թաղել Ձեզ` ուղարկելով նորանոր բաժիններ: Բայց ամեն անգամ, երբ Ձեր վրա մի բուռ հող է թափվում, թափ տվեք այն Ձեր վրայից, պնդացրեք ոտքով և բարձրացեք վերև: Միայն այդպես դուք կարող եք դուրս գալ ջրհորից:

Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ:

2 մեկնաբանություն

Մեկնաբանել

«Ոչ ստանդարտ» գիրք

Մեր օրերում մարդիկ իրենց ժամանակի մեծ մասը տրամադրում են աշխատանքին և գումար վաստակելուն: Ժամանակի մյուս մասը, երբ նրանք չեն աշխատում, աշխատանքով են զբաղված նրանց մտքերը: Ես միշտ դեմ եմ եղել առավոտից մինչ ուշ երեկո աշխատելուն՝ լավ արդյունքներ ունենալու համար: Դրա փոխարեն պետք է ստեղծել արդյունավետ համակարգեր, որոնց շարժիչ գործոնը ժամանակը չէ: Ժամանակի ավելացած մասը կարելի է օգտագործել մտածելու, վերլուծելու նպատակով: Ժամանակի որոշակի հատված անպայման պետք է տրամադրել մտածելուն:

 
error: Կյանքն ավելի հրաշալի է, երբ ստեղծում ես սեփական «բովանդակությունը»