Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Լավություն արա, գցիր ջուրը

Լավություն արա, գցիր ջուրը: Պետք չէ որ մարդիկ այդ մասին իմանան: Չէ որ դու դա արել ես նրա և քո համար: Դու գիտես դա և դրանից դու քեզ լավ ես զգում: Ինչը կարող է փոխարինել այդ զգացմանը: Դու լավ ես զգում քեզ, նա լավ է զգում իրեն, ահա և վերջ: Մի սպասիր շնորհակալության, դու չես արել դա շնորհակալության համար: Արա և մոռացիր: Դա է լավությունը:

Երբ օգնում ես ինչ-որ մեկին, նրա համար ինչ-որ բան ես անում, պոկում ես քեզանից և տալիս ես նրան, դրանով դու միայն նրան լավություն չես անում, դու նաև քեզ ես լավություն անում, քանի որ նման պահերին դու աճում ես: Լավությունը չպետք է լինի ուղեղի արարք, այն պետք է լինի սրտի թելադրանք:

Հիշեք, որքան շատ եք տալիս այլ մարդկանց, այնքան շատ եք դուք ստանում: Սակայն դուք չեք տալիս մարդկանց, որպեսզի ստանաք, դա ուղղակի հետևանք է: Երբ դուք կիսում եք այլ մարդկանց հետ ձեր հաջողություններն ու երջանկությունը, կյանքն էլ կիսում է ձեր հետ իրը: Օգնելով ուրիշներին՝ դուք ինչ-որ բան եք փոխում դեպի լավը և տարածում եք դրականը: Իսկ դրականը տարածվում է շատ արագ և ետ է վերադառնում:

Մարդը չպետք է ապրի միայն իր համար: Նա պետք է փորձի ինչ-որ բան փոխել նաև շրջապատում, փոխել ուրիշների կյանքը նույնպես: Կարևորը՝ անել դա և մոռանալ:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

15 մեկնաբանություն

  • Ամեն ինչ, ինչ կիսում ենք շրջապատի հետ, իրականում կրկնապատկված մեզ է վերադառնում: Վստահ եմ: Բարությունը հոգեվիճակ է: Խրոնիկական տրամադրություն:

      • Միանշանակ, զգում եմ միշտ, էս պահին էլ, ընդհանրապես ես տենց տեսություն ունեմ` փոխադարձության մասին: Ես կարծում եմ, որ կյանքում ամեն ինչ փոխադարձ ա, ու չկա անպատասխան ոչինչ, անգամ սիրահարվածություն, կամ սեր: Ես դա զգում եմ միշտ

  • Հաճելի է լավություն անել այն մարդուն ով չի կարող փոխհատւցել քեզ քո արածի դիմաց: Այո, պետք է լավություն անել և գցել ջուրը ու դա պետք է լինի սրտի թելադրանքով: Իսկ կյանքը դա բումերանգ է: Այսպիսի իմաստուն ասացվածք կա. “Ինչ-որ մարդ ցանի, դա էլ կհնձի”:

    • Գայանե ջան, հա, լինում է, որ անում ես լավություն մեկի համար, ով չի կարող փոխհատուցել, բայց, վստահ եմ, նույն ինքը չէ, ուրիշը քեզ պատաասխանդ կտա: Բայց դե իհարկե դրա համար չեն լինում բարի: Կրկնում եմ` բարությունը տրամադրություն է, բարությունը մաքուր հոգեվիճակ է:

  • Բարությունը չպետք է լինի տրամադրության կամ հոգեվիճակի հետ կապված: Մարդու տրամադրությունը կարող է այսօր լավ լինել, իսկ վաղը` վատ:
    Բարությունը դա մարդու բնույթն է:

  • Ես բազմիցս համոզվել եմ, որ բարությունը սերմ է, երբ այն ցանում ես` անպայման բազմապատկված պտուղներ ես քաղում 🙂

  • եթե մի մարդ հարյուր դրամ ուզենա, և դուք հարցնեք թե ինչի?, նա ասի ծխախոտ պետք է գնեմ:Ինչ կանեք? կտաք թե չէ.

    • բայց չէ որ ծխելը վատ է առողջությանը, ախր դու դրանով չես օգնում այլ վնասում ես նրան..

    • Բաբկեն ջան ժամանակին դրա վրա երկար եմ մտածել: Եթե կարող ես այնպես անել, որ մարդը ծխելը թողնի, արա: Եթե չես կարող, ուրեմն պետք է տաս, եթե ուզի (որովհետև նա ինքը պետք է հասկանա, որ ծխելը վատ է, մենք իրավունք չունենք մարդու փոխարեն որոշում կայացնել):

      Նմանատիպ այլ օրինակ բերեմ: Փողոցում մարդիկ կան, որոնք փող են խնդրում: Շատերն ասում են. եթե փող տամ, ուրեմն հեշտ կյանքին կսովորի ու ինքնուրույն ոչինչ չի անի, ուրեմն եթե չտամ, իրեն լավություն կանեմ:

      Բայց իմ կարծիքով, եթե կարող ես այնպես անել, որ մարդը փողոցում փող չխնդրի, արա: Այսինքն, պատասխանատվությունը քո վրա վերցրու, ոչ թե կողքով անցի: Իսկ եթե չես կարող այդպես անել (ինքդ լուծումը չես առաջարկում), ուրեմն փող տուր նրան, քանի որ ինքնուրույն նման մարդիկ դրան չեն գա:

      Կարծում եմ նույնը ծխելու դեպքում է.

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»