Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության գաղտնիքներ

Կանաչ դաշտը

Երբ ես փակում եմ աչքերս, տեսնում եմ կանաչ մի դաշտ: Այդ դաշտում երեխաները վազում են, իսկ ծնողները հանգիստ նստած նրանց են նայում: Դաշտի մեջտեղում կանգնած է մի ձի` ձիու արձան: Երեխաներից մեկը բարձրացել է ձիու վրա և նստել է նրա մեջքին: Բոլորն այդ երեխային են նայում, իսկ նա ուշադրությունից ոգևորված ժպտում ու ձեռքով է անում: Հանկարծ ձին կենդանանում է, պոկվում է տեղից ու սկսում վազել դաշտի մեջտեղով: Երեխան վախեցած բռնում է ձիու վիզը, որ հանկարծ չընկնի: Հանկարծ նա հասկանում է, որ դաշտում ոչ ոք չկա, նա մենակ է: Բոլոր մարդիկ թվացյալ էին: Ինչի՞ մասին է այս պատմությունը: Գուշակեք` մինչև առաջ անցնելը:

Ոչնչի: Կարծում եմ երկար չմտածեցիք, որովհետև պատմությունն իրոք ոչնչի մասին էր: Թվում է` թե ինչ-որ իմաստ կա, բայց ընդհանուր առմամբ` ոչ մի իմաստ էլ չկա, չկա որոշակիություն: Կա սցենար, բայց չկա հստակ տրամաբանություն:

Յուրաքանչյուրիս կյանքը ինչ-որ պատմություն է: Ցանկալի է, որ այդ պատմությունը կարդալիս մարդկանց մոտ չառաջանան այն զգացմունքները, որոնք առաջացան Ձեզ մոտ կանաչ դաշտի պատմությունը կարդալիս: Թող մարդիկ չհարցնեն` ինչի՞ մասին էր այս պատմությունը: Ապրեք այնպես, որ ամեն ինչ լինի հստակ, իմաստալի: Բոլորիս կյանքում էլ կա սցենար, բայց թող այդ սցենարը լինի հասկանալի:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

9 մեկնաբանություն

  • հետաքրքիր էր Լուկա ջան….բայց դուք ինչ եք կարծում,ինչպես պետք է ապրել,որպեսզի հասկանալի լինի սցենարը?…որպես խորհուրդ եմ հարցնում….))))))))))))

    • Ինքներս մեզ հասկանալի Լառա ջան :), այսինքն առավոտյան զարթնում ես` ինչի՞ համար ես զարթնում, բժիշկ ես դառնում` ինչ՞ի համար ես դառնում: Մենք պետք է հստակ հասկանանք, ինչի համար ենք ապրում:

      Իսկ ինչպես պետք է ապրել, որպեսզի հասկանալի լինի, ուղղակի պետք է ունենալ մեծ, կյանքի նպատակներ ու շարժվել դեպի դրանք: Այդ ժամանակ կարծում եմ մեզ էլ հասկանալի կլինի, թե ինչի համար ենք ապրում, մեզանից հետո` ուրիշներին էլ:

          • հիանալի է Լուկա ջան…յուրաքանչյուր պահը կարողանում եք օգտակար և հետաքրքիր հոդվածի վերածել…շատ լավ է Լուկա ջան…

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»