Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հաջողության գաղտնիքներ

Լեոնարդո Դա Վինչիի «ինչո՞ւ»-ները

Լեոնարդո Դա Վինչիի սկզբունքը կայանում էր անընդհատ հարցեր տալու մեջ՝ «ինչպե՞ս», «ինչո՞ւ»: Լեոնարդո Դա Վինչին, մյուս բոլոր երեխաների պես, մեծանում էր հետաքրքրասեր: Բայց ի տարբերություն մեզ՝ հասարակ մարդկանց, այդ հետաքրքրասիրությունը նրա մոտ երկար մնաց: Իսկ մենք, մեծանալուն զուգընթաց, կորցնում ենք հետաքրքրասիրությունը: Մեզ ավելի շատ սկսում են հետաքրքրել պատասխանները, այլ ոչ թե հարցերը: Մեզ մոտ այլևս չի զարգանում ցանկացած անորոշության և երկակիության մեջ հաճույք տեսնելու ունակությունը: Մենք դադարում ենք հարցեր տալ: Բայց հարցեր տալով է հաճախ հնարավոր ցանկացած խնդիր լուծել, զարգանալ, աճել: Այդ հարցերը պետք է լինեն անընդհատ և դրանք պետք է լինեն ճիշտ հարցեր: Հաճախ ընդամենը փոխելով հարցի ձևակերպումը՝ հնարավոր է ստանալ լուծումը:

Դրա հիանալի օրինակը բերում է հոգեբան Մարկ Բրաունը: Նա գրում է, թե ինչպես ընդամենը մեկ ճիշտ հարցը ի վիճակի եղավ փոխել մարդկանց ամբողջ համայնքների ապրելակերպը: Քոչվոր ցեղերի ողջ կյանքը ժամանակին պտտվում էր հետևյալ հարցի շուրջ. «Ինչպե՞ս հասնել ջրին»: Բայց երբ նրանք սկսեցին այլ հարց տալ. «Ինչպե՞ս անել, որ ջուրն ինքը գա մեզ մոտ», նախկին քոչվորները դարձան նստակյաց և ձևավորվեց մարդկային նոր մշակույթ: Կամ մեկ այլ օրինակ: Որոշ մարդիկ սիրում են մտածել հետևյալ փիլիսոփայական հարցի շուրջ. «Ո՞րն է կյանքի իմաստը»: Բայց ավելի պրակտիկ փիլիսոփաները տալիս են հետևյալ հարցը. «Ինչպե՞ս դարձնել մեր կյանքն ավելի իմաստալից»: Հասկանո՞ւմ եք տարբերությունը: Անհրաժեշտ է հարցերը ճիշտ ձևակերպել, բայց ամենակարևորը՝ անհրաժեշտ է շարունակել այդ հարցեր տալ, որոնել, պրպտել, հետաքրքրվել: Այդպես դուք Ձեզ համար նոր բացահայտումներ կանեք և նոր արդյունքների կհասնեք:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»