Եթե կարդացել եք իմ նախորդ գրքերը, ապա այս մեկն ընթերցելիս ժամանակավորապես մոռացեք դրանք: Սա մոտիվացիոն գիրք չէ: Ընթերցելիս զգացմունքները փոփոխական կլինեն: Ներկայացված որոշ մտքերի հետ դուք անմիջապես չեք համաձայնվի, որոշ մտքերի հետ չեք համաձայնվի ընդհանրապես: Սակայն գրքի նպատակը իմ ներկայացրած մտքերն ընդունելը և դրանք ձերը դարձնելը չէ: Նպատակն այլ է. փորձենք մտածել ինքնուրույն՝ կտրվելով համամարդկային ընդհանուր մտածողությունից: Փորձենք ընդլայնել մեր գիտակցության սահմանները: Հուսով եմ՝ գիրքն օգտակար կլինի և կտեղափոխի ձեր մտածողությունը նոր հարթություն: Ընթերցեք և վերլուծեք ինքնուրույն: Այն ձեզ ոչինչ չի պարտադրում, ընդամենը հնարավորություն է տալիս ճանապարհորդել դեպի մեկ այլ իրականություն:


   


Հաջողության գաղտնիքներ

Հաջողության բլոգի ընթերցողներին

Այս հոդվածը ուզում եմ նվիրել Ձեզ` սիրելի ընթերցողներ: Հաջողության բլոգի շուրջ համախմբված են մարդիկ, որոնցից շատերին ես ճանաչում եմ անձամբ: Այդ մարդիկ յուրօրինակ են: Նրանցից յուրաքանչյուրը ինչ-որ ձգտումներ կամ նպատակներ ունի: Նրանք մարդիկ են, ովքեր չեն սիրում պարապ նստել, այլ ձգտում են ստեղծել և առաջ գնալ: Այդ մարդիկ կյանքին դրական են նայում և համոզված են, որ իրենց կյանքում ամեն ինչ լավ է լինելու: Եվ այդպես էլ կլինի, քանի որ նրանք ուզում են դա: Մեր ընթերցողները ոչ թե այդպիսին են մեր բլոգի շնորհիվ, այլ ուղղակի այստեղ հավաքվել են մարդիկ, ովքեր ունեն նման մտածելակերպ: Ընդամենը պետք էր մի վայր, որտեղ այդ մարդիկ կարող էին իրար հետ շփվել և փոխանցել միմյանց իրենց ոգևորությունը: Եվ դա ստացվում է:

Դա իրոք զարմանալի է: Երբ հանդիպում ես այդ մարդկանց, անընդհատ նույն տպավորությունն է` նրանք բոլորն էլ փնտրտուքների մեջ են, նրանք անընդհատ նոր ուղիներ են փնտրում և ձգտում են իրենց կյանքը լավագույնս դասավորել: Ես շատ ուրախ եմ, որ ճանաչում եմ նման մարդկանց, քանի որ նրանց շնորհիվ ես լիցքավորվում եմ: Լիցքավորվում եմ դրական էներգիայով և նպատակներին հասնելու նոր համառությամբ: Մեկ մարդը դժվար թե կարողանա ինչ-որ բան փոխել, երկուսը նույնպես, նաև երեքը… բայց երբ նման մարդիկ շատ են, էներգիան տարածվում է շղթայական ռեակցիայի պես: Այդ մարդկանցից ամեն մեկը վարակում է իր կողքը գտնվողներին, նրանք էլ իրենց հերթին իրենց կողքը գտնվողներին և այդպես շարունակ: Ես համոզված եմ, որ մեր ընթերցողներից շատերի պատմությունները ժամանակի ընթացքում կհայտնվեն այս կայքում, քանի որ այդ առաջընթացը ես անընդհատ նկատում եմ. կան կոնկրետ պատմություններ` հաջողության փոքրիկ պատմություններ, որոնք հետագայում կվերաճեն ավելի մեծ պատմությունների: Միշտ մնացեք այդպես, սիրելի ընթերցողներ, և ձգտեք կյանքում Ձեր իրական տեղը գտնել:

Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ:

21 մեկնաբանություն

Մեկնաբանել

«Ոչ ստանդարտ» գիրք

Մեր օրերում մարդիկ իրենց ժամանակի մեծ մասը տրամադրում են աշխատանքին և գումար վաստակելուն: Ժամանակի մյուս մասը, երբ նրանք չեն աշխատում, աշխատանքով են զբաղված նրանց մտքերը: Ես միշտ դեմ եմ եղել առավոտից մինչ ուշ երեկո աշխատելուն՝ լավ արդյունքներ ունենալու համար: Դրա փոխարեն պետք է ստեղծել արդյունավետ համակարգեր, որոնց շարժիչ գործոնը ժամանակը չէ: Ժամանակի ավելացած մասը կարելի է օգտագործել մտածելու, վերլուծելու նպատակով: Ժամանակի որոշակի հատված անպայման պետք է տրամադրել մտածելուն:

 
error: Կյանքն ավելի հրաշալի է, երբ ստեղծում ես սեփական «բովանդակությունը»