Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Ես կանե՛մ դա

Կա՞ ինչ-որ բան, որ դուք մոտակա ժամանակներս պատրաստվում եք անել, բայց Ձեր մեջ վախ կա և դուք վստահ չեք, որ Ձեզ մոտ կստացվի: Ես կանե՛մ դա.. սրանք այն խոսքերն են, որոնք դուք պետք է ասեք Ձեզ ամեն առավոտ, երբ զարթնում եք: Ավելի շուտ ոչ թե ասեք, այլ գոռաք: Գոռաք ոգևորությունից, Ձեր ուժերի հանդեպ վստահությունից և լավատեսությունից: Բարձրացրեք Ձեր ձեռքերը վերև, ամուր սեղմեք բռունցքները և գոռացեեե՜եք. ԵՍ ԿԱՆԵ՜Մ ԴԱ: Թող այդ էներգիան հարվածի այն սենյակի պատերին, որում դուք գտնվում եք: Թող այդ էներգիան դուրս գա սենյակից և տարածվի փողոցում: Թող այդ էներգիան ճանապարհ հարթի Ձեզ համար:

Երբ ինչ-որ «անհավանական» բան եք պատրաստվում անել, երբևէ մտածել եք. «Ինչո՞ւ ինձ մոտ պետք է չստացվի»: Այո, ԻՆՉՈ՞Ւ ՁԵԶ ՄՈՏ ՊԵՏՔ Է ՉՍՏԱՑՎԻ: Արե՛ք դա, արե՛ք առանց մեկ տոկոս կասկածի` ՎՍՏԱՀ-ՎՍՏԱՀ-ՎՍՏԱՀ: Առաջին տեսանյութերից մեկը, որ մենք ավելացրեցինք մեր բլոգում, Սյուզան Բոյլի մասին պատմող տեսանյութն էր: Եվ ես մինչև այսօր էլ ժամանակ առ ժամանակ դիտում եմ այն: Այն ինձ ուժ է տալիս, հարյուրապատկում է ոգևորությունս: Եվ քանի որ այսօր առավոտյան զարթնեցի սովորականից ավելի ոգևորությամբ, շատ կուզեմ, որ այդ ոգևորությունը փոխանցվի նաև Ձեզ, այդ պատճառով էլ ևս մեկ անգամ խորհուրդ եմ տալիս դիտել Սյուզան Բոյլի մասին պատմող տեսանյութը:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

8 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»