Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հաջողության գաղտնիքներ

Առակ խոչընդոտների մասին

Վաղուց շատ վաղուց, երբ երկրի վրա դեռ իշխում էին թագավորությունները, թագավորներից մեկը մի փորձություն է մտածում: Թագավորություն մտնող գլխավոր ճանապարհի վրա, որով անցնում էին բոլոր առևտրականներն ու գյուղացիները, նա մի մեծ քար է տեղադրում: Ապա թաքնվում է ճանապարհից դուրս, թփերի հետևում և սկսում հետևել: Ճանապարհով շատ մարդիկ են անցնում՝ իշխանավորներ, ազնվականներ, առևտրականներ, բայց նրանք, տեսնելով քարը, ոչինչ չեն անում, այլ պարզապես անցնում են կողքով:

Առևտրականներից ոմանք էլ, իրենց ծանր բեռներով հասնելով քարին, սկսում են բարկանալ և գոռգռալ. «ինչո՞ւ այս քարն այստեղից չեն հեռացնում, չէ՞ որ այն խանգարո՛ւմ է մեզ», բայց կրկին ոչինչ չեն անում: Ճանապարհով անցնում է մի գյուղացի՝ ձեռքերում բանջարեղենով լի զամբյուղներ: Տեսնելով քարը՝ նա վար է դնում զամբյուղները և փորձում հրել քարը ճանապարհից դուրս: Բայց քարը մեծ էր և մոտ մեկ ժամ տանջվում է գյուղացին՝ մինչև նրան հաջողվում է դուրս հանել այն ճանապարհից: Երբ նա պատրաստվում է վերցնել զամբյուղները և հեռանալ, նկատում է մի քսակ: Երբ բացում է այն, տեսնում է մեջը լիքը ոսկի և մի գրություն. «Այս ոսկին նախատեսված էր նրա համար, ով կհեռացներ քարը ճանապարհից: Դուք ինքներդ պետք է հեռացնեք խոչընդոտները Ձեր ճանապարհից»:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

  • Այո, ամեն մեկը ինքը պետք է փորձի հեռացնել իր կյանքի ճանապարհին հանդիպած խոչնդոտները:
    Բայց կարծում եմ ավելի հեշտ կլինի դժվարությունները հաղթահարել, եթե ինչ-որ մեկը օգնության ձեռք մեկնի:

  • Իհարկե շատ ճիշտ է ասված:Առակը շաաատ հետաքրքիր էր և ուսոցողական:Կարծում եմ յուրաքանչյուրը պետք է հաղթահարի իր ճանապարհին հանդիպող խոչընդոտները,որպեսզի կարողանա շարունակել ապրել:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»